११ कात्तिक काठमान्डौँ । पहिलो चरणमा आगामी मंसिर १० गते निर्वाचन हुने ३२ जिल्लामा निर्वाचन आयोगले आज मतदाता शिक्षाका लागि आज कर्मचारी नियुक्त गर्दैछ । पहिलो र दोस्रो चरणको निर्वाचनमा झण्डै २० हजार कर्मचारी नियुक्त गर्ने आयोगको तयारी छ । हरेक मतदान केन्द्रमा १ जना कर्मचारी पुग्ने गरी आयोगले १९ हजार ९ सय ८ कर्मचारीलाई नियुक्त गर्न लागेको जनाईएको छ । पहिलो चरणको निर्वाचनका लागि नियुक्त हुने कर्मचारी बुधबारबाट कार्यक्षेत्र खटिने आयोगका प्रवक्ता नवराज ढकालले जानकारी दिए ।
प्रतिनिधि र प्रदेशसभा निर्वाचन प्रक्रिया तथा आम मतदातामा देखिने मतदान प्रक्रियाको अन्योल हटाउन उनीहरुले सहयोग गर्ने ढकालले बताए । यसअघि मतदाता शिक्षाको अभावमा व्यापक मत बदर भएपछि आयोगले मतदाता शिक्षाका लागि हरेक मतदान केन्द्रमा एक एक जना कर्मचारी पठाउने तयारी गरेको हो ।
