मोरङ क्षेत्र नम्बर ३ को चुनावी माहोलबीच नेपाली कांग्रेसका उम्मेदवार डा. सुनिल शर्मा र नेकपा एमालेका उम्मेदवार ईरान राईबीच डा. सुनिल शर्माको निवासमा आत्मीय भेटघाट भएको छ।
राजनीतिक प्रतिस्पर्धा आ–आफ्नो ठाउँमा भए पनि आपसी सम्मान, सहिष्णुता र लोकतान्त्रिक संस्कार झल्काउने गरी भएको यो भेट विशेष रह्यो।
यस अवसरमा डा. शर्माका बुवा लोकनाथ न्यौपाने र आमा होमादेवी न्यौपानेले दुबै उम्मेदवारलाई आशिर्वाद प्रदान गर्दै स्वस्थ प्रतिस्पर्धा, जनताको सेवा र देशप्रतिको जिम्मेवारी सफलतापूर्वक पूरा होस् भन्ने शुभकामना व्यक्त गर्नुभयो।
राजनीतिमा सम्मान, संस्कार र मानवीय सम्बन्धको सुन्दर उदाहरणका रूपमा यो क्षणलाई स्थानीयले सकारात्मक रूपमा लिएका छन्।
