काठमाडौं । नेपाली कांग्रेसका नेता एवं पूर्वऊर्जामन्त्री दीपक खड्का पक्राउ परेका छन् ।
नेपाल प्रहरीको केन्द्रीय अनुसन्धान ब्युरो (सीआईबी)ले उनलाई पक्राउ गरेको हो । सीआईबी प्रमुख एआईजी मानेज केसीका अनुसार खड्कालाई आइतबार बिहान महाराजगञ्ज क्षेत्रबाट नियन्त्रणमा लिइएको हो ।
प्रहरी स्रोतका अनुसार उनीमाथि सम्पत्ति शुद्धीकरणसम्बन्धी मुद्दामा अनुसन्धान भइरहेको छ । उनी लैनचौरस्थित स्काउटको जग्गा विवादमा समेत मुछिएका छन् ।
जेनजी आन्दोलनका क्रममा उनको निवासमा आगजनी हुँदा ‘पैसा उडेको’ भनिएको भिडियो सामाजिक सञ्जालमा भाइरल भएको थियो । सोही प्रकरणसँग जोडिएका पक्षहरूसमेत अनुसन्धानको दायरामा रहेको बताइएको छ ।
