कोशी प्रदेश सभा बैठकमा पूर्वमुख्यमन्त्री राजेन्द्र राईले रोस्ट्रम प्रवेश गरी माइक फ्याक्ने प्रयास गरेका छन्।
प्रतिपक्षी दलको विरोधबीच सभामुख अम्बरबहादुर विष्टले कार्यसूची अघि बढाएपछि नेकपाका सांसदसमेत रहेका पूर्वमुख्यमन्त्री राई उफ्रेर रोस्ट्रम प्रवेश गरेका थिए।
उनले रोस्ट्रमा रहेको माइक झिकेर फ्याक्ने प्रयास गरेपछि मर्यादा पालकहरूले उनलाई रोकेका थिए। सभामुखले राईलाई मर्यादामा रहन सचेत गराएका छन्।
नीति तथा कार्यक्रममा संशोधन राख्न नपाएको प्रतिपक्षी दलका सांसदहरूको भनाइ छ। तर सभामुखले सांसदहरूबाट संशोधन नै प्राप्त नभएको बताएका छन्।
