गोरखामा सुरक्षा व्यवस्था कडा ।

0
360

१० मंसिर , गोरखा । गोरखामा सुरक्षा व्यवस्था कडा पारिएको छ ।गोरखा क्षेत्र नम्बर २ मा पूर्व प्रधानमन्त्री डा. बाबुराम भट्टराई र पूर्व उपप्रधानमन्त्री नारायणकाजी श्रेष्ठ चुनावी प्रतिस्पर्धामा छन् । त्यस्तै, गोरखा १ मा त्यस्तै कांग्रेसका पूर्व सचेतक समेत रहेका नेता चिनकाजी श्रेष्ठ र माओवादी नेता हरीराज अधिकारीले प्रतिस्पर्धा गर्दै छन् । गोरखाका २१३ मतदानस्थलका २८२ मतदान केन्द्रमा मतदान भइरहेको छ ।

यसैबिच, पूर्व उपप्रधानमन्त्री नारायणकाजी श्रेष्ठले गोरखा क्षेत्र नम्बर २ को सिरानचोक गाउँपालिका ८ जौबारीस्थित परोपकार आदर्श मावि केन्द्रमा मतदान गरेका छन् ।वाम गठबन्धनबाट उम्मेदवार रहेका श्रेष्ठ लोकतान्त्रिक गठबन्धनका उम्मेदवार पूर्व प्रधानमन्त्री डा. बाबुराम भट्टराईसँग प्रतिस्पर्धामा छन् । डा. भट्टराईले पालुङटारको अन्नपूर्ण माविमा मतदान गर्दै छन् । त्यस्तै कांग्रेस नेता चिनकाजी श्रेष्ठले आरुघाट गाउँपालिका अन्तर्गत भिमोदय मावि र माओवादी नेता हरीराज अधिकारीले गण्डकी गाउँपालिका ५ दर्बुङको भगवति मावि मतदान केन्द्रमा मतदान गर्दै छन् ।