कञ्चनपुर, ३० कात्तिक । नेपालमा अझै पनि त्यस्ता ठाँउहरु छन् जहाँ पढ्ने चाहाँना हुँदाहुदै पनि कतिपय बस्तिहरुबाट केटाकेहिरुलाई बिद्यालय जानको लागी ठूला ठूला नदिहरु तर्नुपर्ने बाध्यता छन् तर त्यस्ता ठाँउमा एउटा ब्यवस्थित सडक तथा पुलको निर्माण हुन नसक्दा बालबालिकाहरुले आफ्नो पढाईलाई निरन्तरता दिन सकेका छैनन्। त्यस्तै दोधारा चाँदनी नगरपालिकाका बालबालिका जोगबूढा नदी तर्न नसक्दा क्रमशः विद्यालय छाड्दै गएका छन् । विद्यालय जानका लागि नदी तर्नुपर्ने झन्झटले उनीहरु बीचमै विद्यालय छाड्न बाध्य भएका हुन् । नगरपालिकाको कञ्जभोज, कुतियाकभर, शान्तिनगर क्षेत्रका बालबालिका प्रतिव्यक्ति पाँच रुपैयाँ शुल्क तिरेर डुङ्गाको सहायताले नदी तर्ने गरेका छन् । नदी तर्न नसकेकै कारण अधिकांश बालबालिकाले प्राथमिक तहको पढाइ समेत पुरा गर्न सकेका छैनन् । केही अभिभावकले नदीकै समस्याले बालबालिकालाई भारतीय विद्यालयमा भर्ना गरेका स्थानीय जीतुसिंह खत्रीले बताए । जोगबूढामा पुल नहुँदा कुतियाकबर, कन्जभोज र शान्ति टोलका करिब एक सय परिवार समस्यामा छन् । जोगबूढा नदीमा पुल निर्माणका लागि नगरपरिषद्बाट योजना पास गरी मन्त्रालयमा पहल भइरहेको र दुई ठाउँमा पक्की पुलका लागि सर्वे भएको नगरपालिकाका कार्यकारी अधिकृत महेशबहादुर बमले बताए ।
