२०८३ मंसिर ६ गते शनिबार
२०८३ मंसिर ६ गते शनिबार

तीनकुनेमा भएको प्रदर्शनका क्रममा मृत्यु भएका कीर्तिपुरका सविन महर्जनको शव परिवारलाई हस्तान्तरण गरिएको छ।

त्रिवि शिक्षण अस्पतालले मंगलबार पोस्टमार्टमपछि उनको शव परिवारको जिम्मा लगाएको हो।

पोस्टमार्टम प्रतिवेदनले महर्जनको शरीरमा एक गोली लागेको पुष्टि गरेको छ।

चैत १५ मा पूर्वराजा समर्थकहरूको प्रदर्शनका क्रममा प्रहरीको गोली लागेर कीर्तिपुर नगरपालिका–४ का २९ वर्षीय महर्जनको मृत्यु भएको थियो।

उनी दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ र नवराज सुवेदी नेतृत्वको ‘राजसंस्था पुनर्स्थापनाका लागि संयुक्त जनआन्दोलन समिति’ले आयोजित प्रदर्शनमा सहभागी थिए।

तीनकुनेबाट कोटेश्वर चोकतर्फको उकालोमा तनाव बढ्दा प्रहरीले गोली चलाएको थियो।

काठमाडौं । संयुक्त अरब इमिरेट्स (यूएई) ले १६६ नेपाली कैदीहरूलाई माफी दिएको छ । रमादानको अवसरमा यस्तो माफी दिइएको परराष्ट्र मन्त्रालयले बताएको छ ।

मन्त्रालयले दुई देशको सम्बन्धलाई झल्काउने खालका माफीका कार्यक्रमलाई उच्च सम्मान गर्ने बताएको छ। मन्त्रालयले आवुधाबीमा रहेको नेपाली दूतावासको आग्रह अनुसार यूएईले माफी दिइएको भन्दै धन्यवाद पत्र सार्वजनिक गरेको छ ।

संघीय संसदको हिउँदे अधिवेशन आजदेखि अन्त्य भएको छ । आज बसेको अन्तिम बैठकमा सभामुख देवराज घिमिरेले १० पटकभन्दा बढी पटक अनुपस्थित हुने सांसदहरूको सार्वजनिक गरेका छन् ।

त्यसमा सत्तारुढ दल नेपाली काँग्रेसका सभापति शेरबहादुर देउवा पनि रहेका छन्। देउवासहित अधिवेशन सात सांसद १० भन्दा बढी बैठकमा अनुपस्थित रहेका छन्।

यस्तै मनोरमा शेरचन २७ दिन, लीलादेवी बोखिम लिम्बू १४ दिन, सरस्वती बजिमय ११ दिन, रमेश रिजाल १२ दिन, दीपक बोहरा २१ दिन, शेरबहादुर देउवा ११ दिन र गीता बस्नेत २७ दिन अनुपस्थित रहेका छन् ।

काठमाडौं । राष्ट्रिय स्वतन्त्र पार्टीका (रास्वपा) सभापति रवि लामिछानेले पर्साको सानोपाइला सहकारीको मुद्दालाई सरकारले हतियारको रूपमा राखिरहेको टिप्पणी गरेका छन् । उनले प्रतिनिधि सभाका सभामुख देवराज घिमिरेलाई मंगलबार भेटेर आफ्नो निलम्बन फुकुवाको माग गरेका थिए । सभामुखलाई भेटेर निस्किँदै गर्दा उनले सानोपाइला बचत सहकारीको मुद्दामा बिलम्ब गरिएको भन्दै असन्तुष्टी जनाएका हुन् ।

‘पर्साको बिलम्बलाई तपाईंहरूले कसरी हेर्नु भएको छ, आम जनताले जसरी हेरेको छ । मेरो हेराइ पनि त्यही भन्दा फरक कहाँ छ र ! सकेसम्म कानुनी प्रक्रियाहरू टुंगिउन, मुद्दा कहाँ–कहाँ लगाउने हो लगाऊन्। त्यो सबै सकेर अनि आउँ भनेर कुरेर बसेको,’ उनले भने, ‘किनभने अदालतलाई पनि सम्मान गर्नपर्‍यो । कतिपय प्रश्नहरू पनि आउला भनेर कुरिरहेको थिएँ । तर सरकारले त्यसलाई हतियार बनाएर राखेर, पर्सा चाँहि, हदम्याद छ, झुण्ड्याइराखेको छ । मान्छे लगाएर हालिएको मुद्दा हामीलाई सबै थाहा छ नि ।’

लामिछाने पक्राउ परेपछि पर्सा प्रहरीले पनि बयान लिएको थियो । तर अझै पनि मुद्दा भने दर्ता गरेको छैन । त्यस्तै एकै पटक चार वटा मुद्दा दर्ता भएकाले एकै दिनमा चार वटा अदालतमा हाजिर हुन कठिन हुने पनि उनले बताएका छन् ।
कास्की जिल्ला अदालत, काठमाडौं जिल्ला अदालत, रूपन्देही जिल्ला अदालत र चितवन जिल्ला अदालतमा मुद्दा दर्ता भई उनी पुर्पक्षको लागि धरौटीमा छुटेका थिए । पुर्पक्षको लागि धरौटीमा छाड्ने आदेशलाई बदर गरी साधरण तारेखमा राख्न लामिछानेले र थुनामा राख्न माग गरी सरकारी पक्षले उच्च अदालतमा निवेदन दिएका छन् ।

त्यसैको पेसीको विषयमा उनले एकै जना चार वटा अदालतमा धाउन कठिन भएको बताएका हुन् । ‘बिहीबारको दिन म एक जना मान्छे । चार–चार वटा अदालतमा, अर्को मुद्दा लागेपछि पाँच वटा हुन्छ । उच्च अदालतमा हाजिर हुनपर्छ । सम्भव छ ? एकै दिन । एउटा मान्छे एकै दिन चार ठाउँमा जान पर्छ, सम्भव छ ?,’ उनले भने ।

नेपाल सरकारले म्यानमारमा गएको विनाशकारी भूकम्पबाट प्रभावित व्यक्तिहरूका लागि राहत तथा चिकित्सा सामग्री पठाउने निर्णय गरेको छ । सोमबार राति बसेको मन्त्रिपरिषद् बैठकले नेपाल वायुसेवा निगमको जहाजमार्फत आवश्यक राहत, औषधि तथा मेडिकल उपकरणहरू आपूर्ति गर्ने निर्णय गरेको हो ।

चैत १५ गते ७.७ रेक्टर स्केलको शक्तिशाली भूकम्पका कारण म्यानमारमा ठूलो जनधनको क्षति भएको छ । विपद्‌को यस घडीमा नेपाल सरकारले आफ्ना विभिन्न निकायहरूमा मौज्दात रहेका सामग्रीका साथै निजी क्षेत्रबाट प्राप्त मेडिकल सहायता तथा अन्य राहत सामग्री म्यानमार पठाउने तयारी गरेको छ ।

सञ्चार तथा सूचना प्रविधि मन्त्री तथा सरकारका प्रवक्ता पृथ्वीसुब्बा गुरुङका अनुसार राहत सामग्री ढुवानीका लागि आवश्यक खर्च अर्थ मन्त्रालयमार्फत नेपाल वायुसेवा निगमलाई उपलब्ध गराइनेछ । साथै, नेपाली सेनाको चिकित्सक टोली पनि सेनाको आफ्नै जहाजमार्फत अत्यावश्यक मेडिकल सामग्रीसहित म्यानमार पठाइने निर्णय गरिएको छ ।

काठमाडौं । अन्तरराष्ट्रिय बजारमा सुनको मूल्य बढेसँगै त्यसको प्रभाव स्थानीय बजारमा पनि परेको छ । बितेका चारदिनदेखि पहेँलो धातुको मोल बढिरहेको छ ।

सोमबार प्रतितोला एक लाख ७७ हजार ९०० रुपैयाँमा कारोबार भएको सुन मंगलबार तोलामा एक हजार ८०० रुपैयाँले बढेर एक लाख ७९ हजार ७०० रुपैयाँ कायम भएको नेपाल सुनचाँदी व्यवसायी महासङ्घले जनाएको छ ।

चाँदीको मूल्य भने स्थिर छ । आजका लागि चाँदीको मूल्य प्रतितोला रु दुई हजार ३५ निर्धारण भएको छ ।

अन्तरराष्ट्रिय बजारमा आज सुन प्रतिऔँस तीन हजार एक सय ४० अमेरिकी डलर कारोबार भइरहेको छ ।

निरन्तर अमेरिकी डलरको मूल्य वृद्धि, आन्तरिक माग व्यवस्थापनलगायत कारण स्थानीय बजारमा सुनको मूल्य हरेक दिन उकालो लागिरहेको छ ।

राजसंस्था पुनर्स्थापना संयुक्त जनआन्दोलन समितिका जनकमान्डर दुर्गा प्रसाईंले आफू नेपालमै रहेको दाबी गरेका छन्।

सोमबार सामाजिक सञ्जालमा लेख्दै उनले आफू नेपालमै लुक्ने ठाउँ भेटेको बताएका हुन्।

शुक्रबार तीनकुनेमा भएको राजावादी प्रदर्शन हिंसात्मक बनेपछि प्रसाईं भारत पुगेको हल्ला फैलिएको थियो।

तर, उनले आफ्नो फेसबुकमार्फत नेपालमै लुकेर भावी रणनीति तयार गरिरहेको बताएका हुन्। प्रसाईंले आफूलाई ‘सिंह’ को संज्ञा दिँदै आगामी कदमको तयारीमा जुटेको उल्लेख गरे।

 उनले फेसबुकमा लेखेका छन् । शिकार गर्नु भन्दा पहिला सिंह पनि एक कदम पछि हटछ,अनि पुन:आक्रमण गर्छ!दुर्गा प्रसाई सिंह नै हो,अब छिट्टै तिमीहरु को मलामि लिएर आउदैछ,भ्रष्टाचारि हो! मैले त लुक्ने ठाउँ भेटेको छु नेपाल मै छु,भाबी रणनीति तयार गर्दैछु,तर तिमीहरू ले त्यो पनि पाउदैनौ, बुझिराख! जय रास्टवाद!!

तीनकुने प्रदर्शनमा हिंसा भड्काएको आरोप लागेपछि प्रहरीले प्रसाईंको खोजी तीव्र पारेको छ। उनी भूमिगत बनेको चर्चाबिच उनको यो दाबीले थप तरङ्ग ल्याएको छ।

प्रहरीले उक्त घटनामा संलग्न अन्य व्यक्तिलाई पनि पक्राउ गरी अनुसन्धान अघि बढाइरहेको छ। प्रसाईंको भने खोजी जारी रहेको प्रहरीले जनाएको छ।

नेपाल आयल निगमले डिजेल र मट्टितेलको मूल्य घटाएको छ । सोमबार राति १२ बजेबाट लागु हुने गरी निगमले डिजेल तथा मट्टितेलको मूल्य प्रतिलिटर दुई रुपैयाँले घटाएको हो ।

पेट्रोल र एलपी ग्यासको मूल्य भने यथावत् राखिएको छ भने हवाई इन्धन आन्तरिकतर्फ प्रतिलिटर सात रुपैयाँ, अन्तर्राष्ट्रियतर्फ काठमाडौँका लागि प्रतिकिलो लिटर अमेरिकी डलर ५१ ले घटाइएको छ ।

गत शुक्रबार तीनकुने क्षेत्रमा भएको आन्दोलन र तोडफोडका क्रममा भाटभटेनी सुपरमार्केट्समा भएको क्षतिबारे मिनबहादुर गुरुङले दिएको अभिव्यक्ति भाटभटेनीले ‘करेक्सन’ गरेको छ।

सोमबार एक सूचना जारी गर्दै त्यसका अध्यक्ष तथा प्रबन्ध निर्देशक गुरुङले क्षतिको बारेमा मिडिकर्मीले गरेको प्रश्नमा जवाफ दिने क्रममा ७०-७५ लाख हुनुपर्नेमा करोड बोलेको भनी ‘करेक्सन’ गरेको हो।

इन्जिनिएर र अन्य साथीहरूले पूरा विवरण तयार पारिरहेको बताउँदै गुरुङले करिब ७०-७५ करोडको क्षति भएको बताएपछि उक्त विषयमा गुरुङको आलोचना भइरहेको थियो।

यसैबीच भाटभटेनीले यसबारे एक सूचना जारी गरी बोल्ने क्रममा गल्ती भएको बताएको हो।

‘केही पत्रकार मित्रहरूले गरेको प्रश्नको जवाफ दिने क्रममा भाटभटेनीका अध्यक्ष तथा प्रबन्ध निर्देशक गुरूङले ७५-८० लाख बराबरको क्षति भएको अनुमान गरिएको भन्नुपर्नेमा तोडफोड र लुटपाटलगत्तैको समय पनि भएकाले भुलवश ७०-७५ करोड भन्नुभएको विषयलाई सच्याइएको छ,’ सूचनामा भनिएको छ।

साथै, कोटेश्वर भाटभटेनीमा भएको लुटपाट र तोडफोडको प्रारम्भिक अध्ययन अनुसार ८० लाखको क्षति भएको भाटभटेनीको जिकिर छ।

यहीँ चैत्र १५ गते राजावादीहरूले तीनकुने क्षेत्रमा प्रदर्शन गरेका थिए। सोही क्रममा हुल भाटभटेनीमा छिर्दा क्षति भएको थियो। यस विषयमा अनुसन्धान भइरहेको छ।

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने सोमबार पार्टी कार्यालयमा फर्किएका छन् । सहकारी ठगी प्रकरणमा मुद्दा दायर भएपछि प्रहरी हिरासतबाट निस्किएपछि उनी पहिलो पटक पार्टी कार्यालय बनस्थलीमा फर्किएका हुन् ।

गएको कात्तिक २ गते पार्टी कार्यालयबाटै पक्राउ परेका उनी ६ महिनापछि फर्किएका हुन् । त्यतिबेला उनलाई पक्राउ गरी कास्की लगिएको थियो । पार्टी कार्यालयमा पुगेका उनी ठूला दलमाथि खनिएका थिए । ‘कति मुद्दा लगाउनुछ लगाऊ । शरीरमा एक थोपा रगत रहुञ्जेल लडिरहन्छु,’ उनले सम्बोधनका क्रममा भने । उनले दुई तिहाइको सरकाले आफूलाई जिउँदो छोड्नु नै खुशीको कुरा भएको बताएका छन् ।

‘सरकारको षड्यन्त्रको सिलसिला सकिएको छैन, जुनसुकै तराजुमा तौलन तयार छु । अदालतको आदेशको अपव्याख्या गरेका छन् । दुई तिहाइको सरकारले जिउँदै छोडेको छ यही मेरो जित हो,’ सभापति लामिछानेले भने । सभापति लामिछानेले लोकतन्त्र र गणतन्त्रको नाममा अहिले लुटतन्त्र मच्चाइएको बताएका छन् । उनले लुटतन्त्र मच्चाउनेविरुद्ध आफू कहिल्यै पछि नहट्ने बताए ।

‘लोकतन्त्र, गणतन्त्र र संघीय लोकतन्त्रिक गणतन्त्रको आडमा लुटतन्त्र मच्चाइरहेकालाई खबरदारी गर्न म कहिल्यै पछि हट्दिनँ । म जुनसुकै शक्तिसँग पनि लड्छु । तर, लुटतन्त्रलाई टुलुटुलु हेरेर बस्न सक्दिनँ,’ उनले भने । ‘राजनीतिमा हुन्थेन भने मैले यति धेरै दुःख खेप्नुपर्ने थिएन । केही समय मलाई अझ विश्राम गर्न मन थियो। तर, जसरी देशमा विकसित घटना क्रम भइरहेका छन् । त्यसले आफूलाई अघि सार्न बाध्य भएँ,’ उनले भने ।

उनले संसदमा पनि प्रतिपक्षीहरूको प्रस्तुती फितलो भएको आरोप लगाए । ‘तपाईंले दिन’ भएको माया र विश्वासलाई बेचेर खान्न, सत्ताले सुनोस्–रवि लामिछाने किस्तीमा आएको प्रधानमन्त्री पद त्यागेर कैदी हुन मञ्जुर भएको मान्छे हो,’ उनले भने, ‘प्रधानमन्त्री भएर सिंहदरबारमा फोटो टाँसिन्थ्यो होला त्यसले फरक पर्दैन । यिनीहरूसँग शिर झुकाएको भए मन्त्री, प्रधानमन्त्री हुन्थें होला, सरकार पनि ढल्दैनथ्यो होला, तर ज्यान जाला यिनका अघि शिर झुकाउँदिनँ ।’

२०७९ को चुनावपछि पुष्पकमल दाहाल ‘प्रचण्ड’ नेतृत्वमा बनेको सरकारमा रवि लामिछाने दुई पटक उपप्रधान तथा गृहमन्त्री भने बनेका थिए । उनले आउने चुनावमा राम्रा उम्मेदवार उठाएर जहाँ उम्मेदवारी दियो त्यहीँ जित्ने गरी तयारी थाल्नुपर्ने पनि बताए । आफूले उम्मेदवारी नदिएर पनि अरूलाई ठाउँ दिने उनको दाबी थियो ।

उनले कांग्रेस–एमाले सरकारको औचित्य समाप्त भइसकेको पनि बताए । सरकारले फेरि आफूलाई थुन्न सक्ने भन्दै उनले अबचाहिँ पार्टी नेतृत्व सम्हाल्छु भनेर आएको पनि बताएका थिए।सहकारी प्रकरणमा मुछिएपछि चितवनबाट निर्वाचित लामिछाने निलम्बनमा परेका छन् । उनीविरुद्ध काठमाडौं, पोखरा, रुपन्देही, चितवन र वीरगञ्जमा सहकारीसम्बन्धी मुद्दा चलिरहेको छ । उनी सबै ठाउँबाट धरौटीमा रिहा भएका थिए ।

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।