काठमाडौं । नेपाली कांग्रेसका नेता रञ्जित कर्णको अगुवाइमा राजबिराजमा सिटी हल निर्माण हुने भएको छ ।
कर्णको अगुवाइमा निवर्तमान मेयर हेमराज यादव, विद्यालयका प्रधानाध्यापक, स्थानीय समाजसेवी, बुद्धिजीवी तथा राजनीतिक दलका प्रतिनिधिहरूबीच सर्वपक्षिय छलफल भएको छ ।
छलफलले विद्यालय अगाडिको क्षेत्रमा करिब १५० वटा सटर भवन निर्माण गर्ने निर्णय गरेको छ, जसबाट विद्यालयलाई दीर्घकालीन आयस्रोत प्राप्त हुने अपेक्षा गरिएको छ।
साथै, सामुदायिक हल निर्माण गरी स्थानीय र विद्यालयले दुवै प्रयोग गर्न सक्ने व्यवस्था मिलाउने, सार्वजनिक शौचालय निर्माण गर्ने र इलाइबेरी तथा अडियो–भिडियोका लागि आधुनिक हाइटेक सुविधा बनाउने निर्णय पनि गरिएको छ।
रञ्जित कर्णले भनेका छन्, “सिटी हलले स्थानीय समुदायलाई भेटघाट, कार्यक्रम र सामाजिक विकासका लागि प्रयोग हुने मात्र नभई विद्यालयका विद्यार्थीलाई पनि लाभ पुग्नेछ।”
