एनआरएनए अध्यक्ष भट्टको जापानमा भब्य स्वागत,उज्यालो नेपाल अभियानमा सहभागी हुन सबैलई आग्रह ।

कार्तिक ६ काठमाण्डौं । गैरआवासीय नेपाली संघ (एनआरएनए)का अध्यक्ष भवन भट्टले उज्यालो नेपाल अभियानसँगको सहकार्यमा सहभागी हुन जापानमा रहेका नेपालीहरुलाई आग्रह गरेका छन ।

एनआरएनएको गरिमामय अध्यक्षमा निवाचित भएको अवसरमा एनआरएनए जापानका पदाधिकारीले बिमान स्थालमा आइतबार गरेको स्वागत कार्यक्रममा दुई वर्षभित्रमा उज्यालो नेपाल बनाउन सहकार्य आवश्यक भएको भन्दै यसमा सहभागी बन्न आग्रह गरेका हुन् ।

अन्तर्राष्ट्रिय समन्वय परिषद् अध्यक्षमा निर्वाचित भएपछि पहिलोपटक कर्मभूमि जापान फर्किएका भट्टले विदेशमा भएका हरेक नेपालीको सपनासँग जोडिएको उज्यालो नेपाल अभियान एनआरएनएको मात्र नभएको भन्दै देश उज्यालो बनाउन २०० मेगावाट विद्युत्को आवश्यक रहेकोले त्यो पूरा गरेरै छाड्ने प्रतिबद्धतासमेत जनाएका थिए।