काठमाडौँ । नेपाली काँग्रेसका नवनिर्वाचित सभापति गगन थापाले काँग्रेस बदलेर आएको भन्दै देश बदल्ने संकल्प गरेका छन् ।
काँग्रेस केन्द्रीय कार्यालय सानेपामा शुक्रबार पद बहाली गरेपछि पार्टीको माइन्यूट गर्ने रजिस्टरमा थापाले उक्त संकल्प गरेका हुन् । उनले लेखेका छन्, ‘बदल्यौँ काँग्रेस, बदल्छौँ देश । यही संकल्पका साथ नयाँ यात्रा प्रारम्भ गर्दैछौं हामी । हाम्रो केवल एक ध्येय छ- देशको समुन्नति ।’
काँग्रेस केन्द्रीय कार्यसमिति बैठकले थापालाई आगामी प्रतिनिधिसभा चुनावमा प्रधानमन्त्री पदको उम्मेदवार बनाएर जाने निर्णय गरेको छ । उक्त बैठकपछि थापाले सञ्चारकर्मीहरूसँग काँग्रेस विशेष महाधिवेशनबाट जनभावनाअनुसार बदलेर आएको बताए । उनले आगामी दिनमा देशको दिशा बदल्ने नीति लिने बताएका छन् ।
