काठमाडौं – राष्ट्रिय स्वतन्त्र पार्टी (रास्वपा) वरिष्ठ नेता बालेन्द्र शाह (बालेन)ले उद्योग देशका मेरुदण्ड भएको बताएका छन् ।
उदयपुर सिमेन्ट उद्योगमा पुगेको तस्बिर सार्वजनिक गर्दै बालेनले यस्तो बताएका हुन् । उद्योगको विकासले देशमा रोजगारीको अवसर सिर्जना हुने भन्दै उनले यस्तो बताएका हुन्।
काठमाडौं महानगरका पूर्वमेयर एवम् झापा–५ का प्रतिनिधि सभा सदस्य उम्मेदवार बालेनले देशको आर्थिक समृद्धिका लागि उद्योगले महत्त्वपूर्ण भूमिका खेल्ने उल्लेख गरेका छन् ।
उनले उदयपुर सिमेन्ट जस्तो उद्योगलाई राज्यले संरक्षण गर्नुपर्नेमा जोड दिए ।
‘उद्योगहरू देशको मेरुदण्ड हुन् । उद्योगहरूको विकासले देशमा रोजगारीको अवसर सिर्जना हुने राष्ट्रिय आय बढाउन सहयोग गर्ने साथै देशको आर्थिक समृद्धिमा महत्त्वपूर्ण भूमिका खेल्छ।
उदयपुर सिमेन्ट जस्तो उद्योगलाई राज्यले संरक्षण तथा प्रबर्द्धन गर्नुपर्छ ।’
बालेन अहिले चुनावी अभियानमा पूर्व पुगेका छन् ।
