मन्त्रिपरिषदको बैठकले नेपाल प्रहरीको ३१ औं महानिरिक्षक (आईजी)मा दीपक थापालाई नियुक्त गरेको छ।
बालुवाटारमा बसेको मन्त्रिपरिषद बैठकले थापालाई नियुक्त गरेको हो।
उनी केन्द्रीय अनुसन्धान ब्यूरो (सीआईबी) प्रमुखका रुपमा कार्यरत रहेका थिए। ३०औं आईजी बसन्तबहादुर कुँवरको सोमबार रातीदेखि ३० बर्षे सेवा अवधि सकिएपछि नयाँ आईजी नियुक्त भएका हुन्।
गृह मन्त्रालयको प्रस्तावमा मन्त्रिपरिषदले यस्तो निर्णय लिएको थियो।
काठमाडौं । राजावादीहरू सक्रिय भइरहेका बेला प्रमुख सत्तारुढ दल नेकपा एमालेले विशेष प्रस्ताव पारित गरेको छ । आज (सोमबार) पार्टी कार्यालयमा बसेको सचिवालय बैठकले लोकतान्त्रिक गणतन्त्र र संविधानविरुद्ध भइरहेको गतिविधिप्रति गम्भीर ध्यानाकर्षण भएको पनि जनाएको छ ।
एमाले उपमहासचिव प्रदीप ज्ञवालीले २१औं शताब्दीमा पनि जन्मजात श्रेष्ठताको वंशगत शासनको बहस आफैंमा हास्यास्पद, हानिकारक र निरर्थक भएको बताएका छन् । जनताको फैसला उल्ट्याउने र मुलुकलाई पश्चगामी दिशातिर फर्काउने कुनै पनि प्रयास सफल हुन नसक्ने उनले बताए छ ।
यस्तो छ एमाले विशेष प्रस्ताव
केही समययता लोकतान्त्रिक गणतन्त्र र नेपालको संविधानविरुद्ध भइरहेका सुनियोजित गतिविधिहरूप्रति नेकपा एमालेको गम्भीर ध्यानाकर्षण भएको छ । लोकतान्त्रिक गणतन्त्र नेपाली जनताको ७ दशक लामो बलिदानी संघर्षको परिणति हो । विगतमा आन्दोलनका क्रममा गरिएका सहमति विपरीत राजतन्त्र पटक–पटक जनताका अधिकारहरूमाथि आक्रमण र सर्वसत्तावादतर्फ उद्धत भएपछि राजतन्त्र र लोकतन्त्र सँगै जान सक्दैनन् भन्ने निष्कर्षका साथ ऐतिहासिक संविधानसभाबाट संघीय लोकतान्त्रिक गणतन्त्र स्थापना गरिएको हो ।
जनताको यस फैसलालाई उल्ट्याउने र मुलुकलाई पश्चगामी दिशातिर फर्काउने कुनै पनि प्रयास सफल हुन सक्दैन भन्ने कुरा स्पष्ट छ। लोकतन्त्र स्थापनपछि छोटो समयमै नेपालले महत्त्वपूर्ण प्रगति हासिल गरेको छ । सशस्त्र द्वन्द्व, लामो संक्रमणकाल, भूकम्पलगायत अनेकौँ प्राकृतिक विपत्तिका बीचमा पनि भौतिक पूर्वाधार, सामाजिक क्षेत्र, जनताको जीवन स्तर, अन्तर्राष्ट्रिय सम्बन्ध क्षेत्र लगायतमा नेपालले हासिल गरेका उपलब्धि महत्वपूर्ण छन् ।
गर्नुपर्ने कामहरू धेरै छन् । तर, उपलब्धिलाई अस्वीकार गर्ने, एकोहरो नकारात्मक भाष्य निर्माण गर्ने, जनता र राष्ट्रको मनोबल खस्काउने एवं त्यसैको बहानामा मुलुकलाई अलोकतान्त्रिक दिशामा पछाडि फर्काउने प्रयास स्वीकार्य हुन सक्दैन । नेकपा एमाले र आम जनताहरू र विशेष गरेर युवा पुस्तालाई लोकतन्त्र, स्वतन्त्रता र मानव अधिकारको महत्त्वलाई गम्भीरताका साथ आत्मसात गर्न निरंकुशकालमा अधिकार खोसिदाको पीडालाई अनुभूत गर्न, साढे दुई शताब्दी हाराहारी लामो राजतन्त्रको एकछत्र शासनकालमा मुलुकको अवस्था कस्तो थियो भन्ने तुलानात्मक अध्ययन गर्न आह्वान गर्दछ । हामी २१औं शताब्दीमा पनि जन्मजात श्रेष्ठताको वंशगत शासनको बहस आफैंमा हास्यास्पद, हानिकारक र निरर्थक हो भन्नेमा विशेष जोड दिन चाहन्छौं ।
काठमाडौँ । ९० वर्ष भन्दा माथिका नागरिकलाई सेवा लिन राष्ट्रिय परिचयपत्र अनिवार्य नहुने भएको छ ।
काठमाडौं– आइतबार २१.६३ अंकले घटेको नेपाल स्टक एक्सचेञ्ज (नेप्से) सोमबार पनि ओरालो लागेको छ । सोमबार ५ अर्ब ४० करोड ८३ लाख १४ हजार रुपैयाँको शेयर कारोबार हुँदा १०.१४ अंकले नेप्से घटेको हो ।
नेप्से परिसूचक घटेसँगै नेप्सेको पुँजीकरण पनि ०.३७ प्रतिशतले घटेको छ । आज भएको शेयर कारोबारमा १४५ वटा कम्पनीको शेयर मूल्यमा गिरावट आयो भने ८५ वटा कम्पनीको शेयर मूल्यमा वृद्धि भयो । त्यस्तै, १३ वटा कम्पनीको शेयर मूल्य भने स्थिर रहेको छ ।
नेप्से घटेपनि आज वित्त, होटेल तथा पर्यटन, लगानी र उत्पादन तथा प्रशोधन समूहको परिसूचक भने बढेको छ । म्यूचुअल समूहको परिसूचक आज स्थिर रह्यो भने अन्य सबै समूहको परिसूचक घट्यो ।
आज राप्ती हाइड्रोका शेयर कारोबारीले सबैभन्दा धेरै नाफा आर्जन गरे भने महालक्ष्मी विकास बैंकका शेयर कारोबारीले सबैभन्दा धेरै गुमाए ।
यौन व्यवसाय खुला गर्ने प्रस्तावको संसदमै विरोध भएको छ ।
सोमबार प्रतिनिधि सभामा विपक्षी दलका सांसदहरूले यस्तो प्रस्ताव आउनु नै गलत भएको बताएका छन् ।
माओवादी केन्द्रकी सांसद दुर्गा राईले भनिन्, ‘हिजो सत्तापक्षका माननीयज्यूले यौन व्यवसायलाई कानुन बनाएर मान्यता दिएर पर्यटकलाई आकर्षण गरेर अर्थोपाजन गरौँ भन्ने कुरा यस सम्मानित सदनमा उठाउनु आपत्तिजनक छ, यस्तो चिन्तनको घोर विरोध गर्दछु ।’
आकस्मिक समय लिएर राष्ट्रिय प्रजातन्त्र पार्टी (राप्रपा)का सांसद दिपक सिंहले यस्तो प्रस्ताव आउनु गलत रहेको बताए । ‘‘यौन व्यवसाय, वेश्यालय, कोठी सरकारले नै चलाउने दिन आएको त होइन ?’ उनले सरकारलाई प्रश्न गरे ।
नेपालमा पर्यटक भित्र्याउन र आर्थिक विकासका लागि धेरै सम्भावना रहेको उनले बताए । नेपाल प्राकृतिक रूपमा सुन्दर रहेको, जलस्रोतमा धनी रहेको स्मरण गर्दै उनले आर्थिक विकासका अनेकन सम्भावना रहेको ख्याल गर्न सुझाए ।
आइतबार प्रतिनिधि सभाको बैठकमा बोल्दै नेपाली काँग्रेसका प्रमुख सचेतक श्याम घिमिरेले देशको विकासका लागि यौन व्यवसाय खुला गर्नुपर्ने बताएका थिए ।
प्रतिनिधि सभाको बैठकमा विशेष समय लिएर बोलेका घिमिरेले देशमा रोजगारी सिर्जना र आर्थिक विकासका लागि यौन व्यवसायलाई नेपालमा खुला गर्नुपर्ने बताएका थिए ।
धार्मिक पर्यटकले पैसा खर्च नगर्ने र त्यसले देशको अर्थतन्त्रमा टेवा नदिएकाले अब यौन व्यवसायतर्फ जान ढिलो गर्न नहुने उनको आग्रह थियो ।
‘यौन व्यवसायलाई खुला गरौँ। यसबाट धेरै विदेशी पर्यटक आउँछन् । धार्मिक पर्यटकभन्दा यौन पर्यटनबाट देशलाई फाइदा छ,’ घिमिरेले भनेका थिए ।
काँग्रेसको प्रमुख सचेतकको यस्तो भनाइको संसदमा विरोध भएको हो ।
काठमाडौँ । इटहरा सरोकार समाज र काठमाडौं मेडिकल कलेज, सिनामंगलबीच स्वास्थ्य सेवा प्रदान सम्बन्धी विशेष छुट दिने सम्झौता भएको छ ।
काठमाडौं । बाजुरा जिल्लाको जगन्नाथ गाउँपालिका-६ मा गाईमाथि गरिएको अमानवीय व्यवहार अहिले चर्चाको विषय बनेको छ । सामाजिक सञ्जालमा भाइरल भएको भिडिओमा स्थानीयबासीको एक समूहले गाईलाई कुटपिट गर्दै कर्णाली नदीमा हेल्ने प्रयास गरेको देखिन्छ । यो घटनापछि प्रशासनले तत्काल प्रहरी परिचालन गर्दै संलग्न व्यक्तिहरूलाई अनुसन्धानको दायरामा ल्याउन निर्देशन दिएको छ ।
तनहुँ । तनहुँको ऋषिङ प्रहरी चौकीका वरिष्ठ हवल्दार ओमबहादुर विक मृतावस्थामा फेला परेका छन् । रुपन्देही घर भई ऋषिङमा कार्यरत ४३ वर्षीय विक आज बिहान चौकी नजिकैको बेलौतीको रुखमा झुण्डिएको अवस्थामा मृत फेला परेका हुन् ।
निज लामो समयदेखि मानिसक रूपमा बिरामी रहेको जिल्ला प्रहरी कार्यालयका प्रहरी नायब उपरीक्षक अशोक थापाले जानकारी दिए । उनले भने, ‘यस विषयमा थप अनुसन्धान भइरहेको छ ।’
काठमाडौं । इलामको सूर्योदय नगरपालिका–९ का ६१ वर्षीय मान बहादुर खड्का आर्थिक अभावका कारण लामो समयदेखि उपचार नपाएर पीडित थिए। यो विषय इलामका प्रदेश सांसद तथा कोशी प्रदेशका पूर्व आन्तरिक मामिला तथा कानून मन्त्री सम्सेर राईले थाहा पाए । आफ्नै निर्वाचन क्षेत्रका नागरिक उपचार नपाएर दुःख भोगिरहेको थाहा पाएपछि सांसद राई स्वयं बिरामीको घर पुगे ।
विरामीको अवस्था देखेर उनले नेपाली कांग्रेसका युवा नेता तथा प्रतिनिधि सभा सांसद डा.सुनिल शर्मालाई जानकारी गराए । सांसद डा.शर्माले खबर सुन्नासाथ मान बहादुर खड्कालाई काठमाडौं मेडिकल कलेज (केएमसी) ल्याउन आग्रह गर्दै निःशुल्क उपचारको व्यवस्था गरिदिने आश्वासन दिए । त्यसपछि प्रदेश सांसद राईको पहलमा बिरामीलाई काठमाडौं ल्याएर हाल केएमसी हस्पिटलमा उपचार प्रक्रिया सुरु भइसकेको छ।
डा.सुनिल शर्मा नेतृत्वको केएमसीले देशका ग्रामीण तथा दुर्गम भेगका जनताहरूलाई लक्षित गरी निरन्तर निःशुल्क स्वास्थ्य शिविरहरू सञ्चालन गर्दै आइरहेको छ। सुदूरपूर्वदेखि सुदूरपश्चिमसम्म, स्वास्थ्य शिविरमार्फत लाखौं विपन्न नागरिकहरूले गुणस्तरीय सेवा प्राप्त गर्दै आएका छन्। शिविरमा सम्भव नभएका जटिल केसहरूलाई उनले काठमाडौं मेडिकल कलेज र नोबेल मेडिकल कलेजमा निःशुल्क उपचारको व्यवस्था गर्दै आइरहेका छन् ।
विशेषगरी, डा.शर्माले आफ्नो निर्वाचन क्षेत्रका नागरिकहरूलाई पार्टी नहेरी नोबेल मेडिकल कलेजमा निःशुल्क क्याबिनको व्यवस्था मिलाएका छन् । आर्थिक रूपमा कमजोर बिरामीहरूका लागि काठमाडौं मेडिकल कलेजमा समेत यस्तो व्यवस्थाहरू गरिएको छ।
सांसद डा.शर्मा प्रतिनिधि सभाका एक मात्र तलब भत्ता नलिने सांसद हुन्। उनले आफ्नो जीवन समाजसेवा र मानवताको निम्ति समर्पित गर्दै आएका छन् ।
आजदेखि प्रहरी महानिरीक्षक वसन्तबहादुर कुँवरसहित ९ उच्च अधिकृतहरू एकसाथ अवकाशमा जाँदैछन्।
प्रहरी महानिरीक्षक कुँवरसँगै अतिरिक्त महानिरीक्षकहरू टेकप्रसाद राई, कुवेर कडायत, बुद्धि गुरुङ, दुर्गा सिंह र जनक भट्टराई पनि अवकाशमा जान लागेका हुन्।
त्यस्तै डीआईजीहरू गणेश चन्द, भोला रावल र ध्रुवराज राउतले पनि ३० वर्षे सेवा अवधिका कारण अवकाशमा जाने भएका छन्।
तर, सरकारले अहिलेसम्म आगामी महानिरीक्षकको टुंगो लगाएको छैन । एआईजीहरू दीपक थापा, सुदीप गिरी र टेकबहादुर तामाङ महानिरीक्षकको प्रतिस्पर्धामा छन्।
सरकारले आज बस्ने मन्त्रिपरिषद्बाट प्रहरी महानिरीक्षकमा बढुवा गर्ने तयारी गरेको छ। करिब ८० हजार जनशक्ति रहेको सुरक्षा संगठनको नेतृत्व चयनको निर्णय समयमा नगर्दा गलत समूहले चलखेल गर्ने मौका पाइरहेको भन्दै आलोचना भएको छ।
प्रहरी महानिरीक्षक नियुक्तिमा ज्येष्ठता, कार्यकुशलता, कार्यक्षमतालाई आधार मान्ने नियमावलीमा व्यवस्था छ। जस अनुसार एआईजी दीपक थापा महानिरीक्षक बन्ने बलियो आधार छ।
उनी गिरी र तामाङभन्दा एक महिना अघि बढुवा भएका अधिकृत हुन् ।
उनले आफ्नाे कार्यकालमा हालसम्म काठमाडाैं उपत्यका, जिल्ला, विभागकाे सफलता पूर्वक जिम्मेबारी पुरा गरेका छन् । हालसम्म कुनै विवादमा नआएका उनकाे बढुवाले देशकाे सुरक्षा र प्रहरी संगठनकाे विकासका लागि सरकारलाई नै सहयाेग हुने विश्वास गरिएकाे छ ।
