२०८३ मंसिर ४ गते बिहीबार
२०८३ मंसिर ४ गते बिहीबार

नेपाली कांग्रेसका नेता एवं महासमिति सदस्य डा. सुनिल कुमार शर्माले पार्टीको हालको अवस्था प्रति गम्भीर चिन्ता व्यक्त गर्दै कांग्रेसभित्र आत्मसमीक्षा र नवनिर्माणको आवश्यकतामाथि जोड दिएका छन् ।

उनले सामाजिक सञ्जालमार्फत सार्वजनिक गरेका विचारहरूमा पार्टी नेतृत्वप्रति आक्रोश, नीति–निर्णयमा देखिएको असफलता, गुटबन्दी, भ्रष्टाचार, सेवा प्रवाहको असमानता लगायत विषयमा तीखा टिप्पणी गरेका छन् । डा. शर्माले भनेका छन् ‘पार्टीको अपजसको दोष केवल सभापतिलाई थोपार्नु न्यायोचित हुँदैन, हामी सबै यसको हिस्सेदार हौं ।’

उनका अनुसार, नेपाली कांग्रेसको गौरवशाली इतिहासमा आजको स्थिति लाजमर्दो बिन्दुमा आइपुगेको छ । उनले पार्टी इतिहासमा बीपी कोइराला, गणेशमान सिंह, गिरिजाप्रसाद कोइराला लगायत नेताहरूको योगदान स्मरण गर्दै अहिलेको कांग्रेस त्यस गौरवको प्रतिरूप नभएको बताएका छन् ।

डा. शर्माले देशको दुःखद यथार्थ चित्रण गर्दै भनेका छन्– ‘आम नागरिक दुई छाक खाना र एक सिटामोलको खोजीमा छन्, बालबालिका खोलामा बगिरहेका छन् तर नेताहरू भोज भतेर र गाडीको लस्करमा रमाइरहेका छन् ।’

उनले जिल्लास्तरमा हुने पार्टी कार्यक्रमहरूमा हुने खर्च, मदिरा र मासुको तामझाम, देखावटी शक्ति प्रदर्शन, र पार्टी केन्द्रीय कार्यालयमा चलाइने गुटगत कार्यालयहरूको अपारदर्शिता बारे पनि प्रश्न उठाएका छन् ।

कांग्रेस नेता शर्माले पार्टीभित्रको आर्थिक अनियमितता र नेतृत्वको मौनता प्रति पनि उनले असन्तुष्टि प्रकट गरे । ‘विदेश, तस्करी वा ठेक्काबाट आएको पैसाको स्रोत खोलिँदैन, यो पारदर्शिता होइन, भ्रष्टाचारको मौन स्वीकृति हो’ उनले भने ।

शर्माले शिक्षा क्षेत्रमा गरिएको सिन्डिकेट, निजी विद्यालय बन्द गर्ने प्रयास, नर्सिङ कलेजहरू बन्द गरिएकोप्रति पनि आक्रोश पोखेका छन् ।

त्यस्तै, गैरआवासीय नेपालीहरूमाथि ‘अनागरिक’ जस्तो व्यवहार गरिएको, सम्पत्ति कायम गर्न नपाउनु, र उनीहरूको मौलिक पहिचान नै खोसिएको घटनालाई उनले लाजमर्दो भनेका छन् ।

संसदभित्र जनताको आक्रोश प्रवेश गरेको विषयलाई उनले गम्भीर चेतावनीका रूपमा चित्रित गरेका छन् । ‘यो लोकतन्त्रको मृत्युको संकेत हो, जनताको आवाज अब थुन्न सकिन्न,’ शर्माले भनेका छन् ।

गुटबन्दी, पुराना योगदानकर्तालाई कारबाही गर्ने प्रवृत्ति, पद बाँडफाँटमा योग्यता हैन गुटीय स्वार्थ हेर्ने मानसिकता, र पार्टी पदाधिकारीहरूको मौनता नेतृत्वको नैतिक पतन भएको उनले बताए । ‘आफ्नै पार्टीभित्र गलत देख्दा पनि महामन्त्री र पदाधिकारी मौन छन्, यो केवल लापरवाही हैन, देशप्रति विश्वासघात हो’ उनले भने ।

डा. शर्माले प्रत्यक्ष निर्वाचित प्रधानमन्त्री, स्वतन्त्र न्यायपालिका, भ्रष्ट न्यायाधीशको बर्खास्ती, कार्यकारीमा दुई कार्यकालको सीमा जस्ता सुधारका एजेन्डाहरू तत्काल नलिइए देश ठूलो विद्रोहतर्फ जान सक्ने चेतावनी दिएका छन् ।

उनले पार्टीभित्र सुधारको संकेत देखिन नसकेको अवस्थामा वर्तमान कार्यकारी नेताहरूले पदको मोह त्यागी, नयाँ पुस्तालाई जिम्मेवारी दिने समय आएको बताएका छन् । ‘यदि आत्मसमीक्षा गरेर काँग्रेस सुधारको बाटोमा लाग्यो भने मात्रै अपजसको ढोका चिर्न सकिन्छ’ उनले भने ।

शर्माले नेतृत्वले सत्तालाई खेल सम्झिरहेसम्म देश उज्यालो नुहने पनि बताएका छन् । ‘जबसम्म नेतृत्वले जिम्मेवारीलाई सत्ताको खेल सम्झिरहन्छ, तबसम्म देश, समाज र पार्टी उज्यालोमा जान सक्दैन’ उनले भने ।

तत्कालिन प्रतिनिधि सभामा सांसद पदमा रहँदा तलब–भत्ता नलिने एक मात्र व्यक्ति डा. सुनिल कुमार शर्मा हुन्। उनी सुदूरपूर्वदेखि सुदूरपश्चिमसम्म निःशुल्क स्वास्थ्य शिविरहरू सञ्चालन गर्दै आएका छन्। यस्ता शिविरहरूमा उपचार सम्भव नभएका बिरामीलाई काठमाडौं मेडिकल कलेज वा नोबेल मेडिकल कलेजमा ल्याई निःशुल्क उपचारको व्यवस्था मिलाउने कार्य निरन्तर भइरहेको छ।

उनकै पहलमा नोबेल मेडिकल कलेजमा आफ्नै निर्वाचन क्षेत्रका लागि समर्पित ५० शय्याको निःशुल्क क्याबिन स्थापना गरिएको छ। पार्टी वा पहिचानको आधारमा नभई सबै नेपालीलाई समान रूपमा सेवा पुर्‍याउने प्रतिबद्धता उनले जनाएका छन्।

हालै उनले मोरङको बेलबारीमा एम्बुलेन्स हस्तान्तरण गरेका छन्, साथै देशका सात विभिन्न स्थानमा निजी पहलमा एम्बुलेन्स उपलब्ध गराइसकेका छन्। उनका यी मानवीय कार्यहरूले “नेता भनेको जनताको साँचो अभिभावक हो” भन्ने सन्देशलाई बलियो बनाएका छन्।

काठमाडौँ । जेनजी प्रदर्शनका क्रममा मृत्यु भएका छ जनाको शव अन्तिम संस्कारका लागि नेपाली सेनाको हवाई साधनद्वारा सम्बन्धित जिल्लामा पुर्‍याइएको छ ।

 

यही भदौ २३ र २४ गते भएको प्रदर्शनका क्रममा मृत्यु भएका उनीहरूको शव परिवारका सदस्यसहित सुनसरी, उदयपुर, सिराहा, धनकुटा र संखुवासभा जिल्ला पुर्‍याइएको सैनिक जनसम्पर्क तथा सूचना निर्देशनालयले जनाएको छ ।

गृहमन्त्री ओमप्रकाश अर्यालले सोमबार पदभार ग्रहण गर्दै प्रदर्शनमा मृत्यु भएका व्यक्तिको शव घर ठेगानासम्म सरकारले पुर्‍याइदिने निर्णय गरेका थिए ।

 

प्रदर्शनका क्रममा हालसम्म ७२ जनाको मृत्यु भएको पुष्टि भइसकेको छ ।

काठमाडौं । देशको हालको विषम परिस्थिति र जनदबाबलाई मध्यनजर गर्दै सरकारले सार्वजनिक खर्चमा व्यापक मितव्ययिता अपनाउने नीति लिएको छ ।

 

मुख्यसचिव एकनारायण अर्यालको अध्यक्षतामा बसेको सचिवस्तरीय बैठकले सरकारी कर्मचारीको बैठक भत्ता कटौती गर्ने निर्णय गरेको हो ।

बैठकले औसत दरबन्दी २० प्रतिशत कटौती गर्ने र अनावश्यक संरचना तथा निकायहरू खारेज, गाभ्ने वा हस्तान्तरण गर्ने कार्य तत्काल अघि बढाउने निर्णयसमेत गरेको छ ।

 

चालु आर्थिक वर्षमा दायित्व सिर्जना नभएका टुक्रे आयोजनाहरू कार्यान्वयन नगर्ने निर्णय भएको छ । त्यस्ता आयोजनाहरूमा विनियोजित रकमलाई क्षतिग्रस्त संरचनाको पुनर्निर्माण, मर्मत सम्भार र उपकरण खरिदतर्फ रकमान्तर/स्रोतान्तर गरिनेछ ।

आन्दोलनका क्रममा ध्वस्त भएका फर्निचर तथा सामग्रीको नयाँ खरिदमा स्वदेशी उत्पादनलाई प्राथमिकता दिनुपर्ने निर्णय पनि बैठकले गरेको छ ।

जेनजी युवा पुस्ताको माग अनुसार सार्वजनिक सेवा चुस्त, मितव्ययी र प्रभावकारी बनाउन बाधक देखिएका मापदण्ड, कार्यविधि तथा निर्देशिका तत्काल खारेज वा संशोधन गर्ने प्रक्रिया अघि बढाउन मुख्य सचिव अर्यालले निर्देशन दिएका छन् ।

त्यस्तै नागरिकलाई प्रत्यक्ष सेवा प्रवाह गर्ने कार्यालयमा रिक्त दरबन्दी तत्काल पूर्ति गर्न संघीय मामिला तथा सामान्य प्रशासन मन्त्रालयलाई निर्देशन दिइएको छ ।

निकट चाडपर्वलाई ध्यानमा राख्दै खाद्यान्न आपूर्ति सहज बनाउने, कालोबजारी नियन्त्रण गर्ने र सार्वजनिक यातायात व्यवस्थापन गर्न सम्बन्धित मन्त्रालयहरूलाई आवश्यक कार्य सुनिश्चित गर्न निर्देशन दिइएको छ ।

विभिन्न मन्त्रालय र सुरक्षा निकायको नियमित सेवा सुचारु गर्न सवारी साधन व्यवस्थापनका लागि विशेष कार्यदल गठन गर्ने निर्णय पनि गरिएको छ ।

सिंहदरबारभित्रका मन्त्रालयहरूले अनावश्यक प्रवेश पास खारेज गर्ने, तथा आगजनीका कारण नष्ट भएका कार्यसम्पादन मूल्याङ्कन फाराम पुनः संकलन गर्न निजामती सेवा ऐन र नियमावली अनुसार प्रक्रिया अघि बढाउने निर्णय भएको छ ।

काठमाडौँ । दशैंलाई लक्षित गरी घटस्थापनादेखि २२ असोज (पूर्णिमाको पर्सिपल्ट) सम्म नेपालभर लागु हुने गरी रुट परमिट खुला गरिने भएको छ । यातायात व्यवस्था विभागका अनुसार मंगलबार बसेको सरोकारवालाको बैठकले यस्तो निर्णय गरेको हो ।

कुनै बाटोको विशेष प्रकृतिका कारण सो बाटोमा चल्न निषेध गरिएका आकार प्रकारका सार्वजनिक सवारी साधनका लागि भने बन्देज कायमै रहने भएको छ ।

 

बैठकले मध्यम तथा लामो दूरीका सार्वजनिक यातायातमा अग्रिम टिकट बुकिङको व्यवस्थालाई निरन्तरता दिने निर्णय समेत गरेको विभागले जनाएको छ ।

यातायात आवागमन सहज बनाउन खाद्यान्न लगायत अत्यावश्यक वस्तुको ढुवानी गर्ने बाहेकका ट्रेलर लगायत ठूला सवारी साधन ६ असोज घटस्थापनादेखि २० असोज पूर्णिमासम्म नारायणबाट-काठमाडौँ रुटमा चलाउन नपाउने गरी निर्णय भएको छ ।

आयात निर्यातका सवारी साधन भने भन्सार कार्यालय बन्द रहने अवधि बाहेकका दिन यो रुटमा चल्न सक्ने छन् ।

काठमाडौँ । यस वर्षको बडादशैंको टीकाको उत्तम साइत असोज १६ गते बिहान ११:५३ बजे रहेको नेपाल पञ्चांग निर्णायक विकास समितिले जनाएको छ ।

विजया दशमीका दिन बिहान ९:२३ बजे देवी विसर्जनको साइत छ । टीका लगाउँदा लगाइमाग्ने पूर्व दिशा फर्किनुपर्ने जनाइएको छ ।

 

२०८२ सालको बडादशैं असोज ६ गतेदेखि सुरु हुन्छ । ६ गते घटस्थापना हो । बिहान ९ बजेर १३ मिनेटमा घटस्थापनाको साइत रहेको नेपाल पञ्चांग निर्णायक विकास समितिले आज जारी गरेको सूचनामा उल्लेख छ ।

असोज ७ गते मंगलबार बिहान ९:५३ बजे झण्डा फेर्ने साइत पर्छ भने असोज ११ गते शनिबार श्रीपचलीभैरव यात्रा हुनेछ ।

असोज १३ गते सोमबार फूलपाती, श्री तुलजाभवानी यात्रा बिहान ७:१७ बजे र स्थिरासन बिहान ९:२३ बजे तोकिएको छ ।

काठमाडौँ । काठमाडौँ महानगरपालिकाका मेयर बालेन्द्र शाहले धरान उपमहानगरपालिकाका मेयर हर्क साम्पाङलाई माया गर्न नछाड्ने बताएका छन् ।

 

आज दिउँसो फेसबुकमा एक स्ट्याटस लेख्दै शाहले यस्तो बताएका हुन् ।

उनले लेखेका छन् ‘डियर हर्क साम्पाङ, तिमीले मलाई जति गाली गरे पनि म तिमीलाई माया गर्न छोड्दिन । एक तर्फी नै सही, तर मेरो माया साँचो हो । You are my true love.’

आफूलाई प्रधानमन्त्री बनाउन सहयोग नगरेपछि साम्पाङ बालेनसँग रिसाएका थिए । साम्पाङ प्रधानमन्त्री बनाउन माग गर्दै समर्थकसहित काठमाडौँ आएका थिए । तर, जेनजी युवाहरूले उनलाई मतलब गरेनन् ।

बालेनकै समर्थनमा प्रधानन्यायाधीश सुशीला कार्की अन्तरिम सरकारको प्रधानमन्त्री बनेकी छन् ।

प्रधानमन्त्री र मन्त्री पदसमेत पाउन नसकेपछि मेयर साम्पाङ धरान फर्किएका थिए ।

उनले आज मात्रै धरानमा पत्रकार सम्मेलन गरेर भक्कानिएर रोएका थिए ।

छोटो समयमा नै साम्पाङ रोएको भिडिओ सामाजिक सञ्जालमा भाइरल भइरहेको छ । साम्पाङ रोएपछि बालेनले उनलाई सान्त्वना दिएका हुन् ।

काठमाडौँ । प्रधानमन्त्री सुशीला कार्कीले मंगलबार तिलगंगा आँखा प्रतिष्ठानमा आँखाको नियमित जाँच गराएकी छन् ।

आँखा परीक्षण गर्ने क्रममा उनको देब्रे आँखा धमिलो भई पीसीओ (Posterior Capsule Opacification) भएकाले सोका लागि Yag Laser गरिएको अस्पतालले जारी गरेको विज्ञप्तिमा उल्लेख छ । उनको आँखा जाँचमा प्रतिष्ठानका कार्यकारी निर्देशक प्रा. डा. सन्दुक रुइत र प्रमुख कार्यकारी अधिकृत तथा वरिष्ठ नेत्र चिकित्सक डा. रिता गुरुङ संलग्न थिए ।

यसैबिच डा. रुइतले आफू मन्त्री बन्ने दौडमा नरहेको बताएका छन् । मंगलबार अस्पताल परिसरमा सञ्चारकर्मीहरूलाई प्रतिक्रिया दिँदै उनले आफूले अस्पताल र बिरामी छाड्न नसक्ने बताए ।

काठमाडौं- नेकपा माओवादी केन्द्रले नयाँ पार्टी केन्द्रीय कार्यालय बनाउने भएको छ ।

जेनजी आन्दोलनको क्रममा कोटेश्वर पेरिसडाँडामा आगजनी भएपछि माओवादी केन्द्रले नयाँ र भव्य केन्द्रीय कार्यालय बनाउने भएको हो ।

आज पार्टी केन्द्रीय कार्यालय अनुगमन गरेपछि प्रचण्डले भने, ‘देशभरका कार्यकर्ताहरुको सहयोगमा नयाँ र भव्य पार्टी कार्यालय बनाइने छ ।’ पार्टी कार्यालय कहाँ बन्छ भनेर उनले खुलाएनन् ।

अवलोकनपछि उनले बैठकका माइन्युट, पुस्तकालय र केही कम्प्युटरहरु जोगिएको बताए । ती जोगाउन भूमिका खेलेको भन्दै उनले कर्मचारी र कार्यकर्ताहरुलाई धन्यवाद दिए ।

काठमाडौं – धरान उपमहानगरका मेयर हर्क साम्पाङले देशको नेतृत्वको जिम्मेवारी लिन काठमाडौं पुग्दा भारतीय दूतावास जानुपर्ने भएपछि आफू मन्त्री खान हच्किएको बताएका छन्।

काठमाडौं आएर नेपाली सेनाका प्रधान सेनापति अशोकराज सिग्देलसँग प्रधानमन्त्री पदका लागि गरेको डिलमा असफल भएपछि धरान फर्किएका हर्कले अहिले भने दूतावास जानुपर्ने भएपछि मन्त्री खान हच्किएको टिप्पणी गरेका हुन्।

उनले सामाजिक सञ्जालमा गएरातिदेखि नै राष्ट्रवाटी स्टाटस राख्दै यस्तो बताएका हुन्। उनले आफूलाई खानेपानी र श्रम तथा रोजगार गरेर दुई वटा मन्त्रालय दिएको तर भारतीय दूतावास जानुपर्ने भनेपछि हच्किएको बताएका हुन्। उनले हर्क साम्पाङ को हो भनेर पछि थाहा हुनेसमेत टिप्पणाी गरेका छन्।

‘मलाई पदको लोभी भन्नेलाई के थाहा देश दन्दनी जलिरहेको बेला सबै डराएर घर भित्र लुकेर बसेको बेला ५०० किलोमिटर टाढाबाट पुगेर देशको जिम्मा लिनु खोजेको हुँ मैले ! खानेपानी र श्रम तथा रोजगार दुई वटा मन्त्रालय दिँदा पनि छोडेर नलिएको मान्छे हुँ म ! भारतीय दूतावास जानुपर्ने भनेपछि म हच्किएँ ! पछि थाहा हुन्छ विरोधी हो। हर्क साम्पाङको हो भन्ने।’

काठमाडौं । अन्तरिम सरकारका मन्त्रीहरूले सरकारी सेवा सुविधा र तलबभत्ता नलिने घोषणा गरिरहँदा यसप्रति नेपाल कम्युनिष्ट पार्टी (नेकपा) का महासचिव नेत्रविक्रम चन्द ‘विप्लव’ले कडा असन्तुष्टि व्यक्त गरेका छन् । उनले मन्त्रीहरूको यो कदमलाई ‘जनतामा भ्रम छर्ने’ र ‘घमण्ड’ को संज्ञा दिएका हुन् । 

सुशीला कार्की नेतृत्वको सरकार विस्तार हुँदै गर्दा विप्लव भने कपिलवस्तुमा शहीद परिवारलाई घर हस्तान्तरण कार्यक्रममा व्यस्त थिए । सोही कार्यक्रमलाई सम्बोधन गर्दै विप्लवले मन्त्रीहरूको घोषणाप्रति कटाक्ष गरेका हुन् । उनले भने, ‘मन्त्रीहरूले सोमबार भाषण गरेको सुनेँ- म चाहिँ तलब लिदिनँ भनेर । तलब नलिएर के खान्छ ? माटो खान्छ तेले ?’

विप्लव यतिमै रोकिएनन् । उनले भने, ‘त्यो भनेको त कतैबाट त्यसले कमाएको छ नि त । यो घमण्ड हो के। यो त जनतामा भ्रम छर्ने कुरा हो । यसले के देखाउँछ भने त्यसले कुनै बेला अकुत सम्पत्ति कमाएको छ भन्ने सावित गर्छ ।’

विप्लवले यस्ता व्यक्तिहरूले जनतालाई भ्रम छर्ने र आफ्नो स्वार्थ सिद्ध गर्ने गरेको आरोप लगाए । ‘हेर्नुस् धेरै कुराहरू छ के । जनतालाई भुलभुलैयामा पार्ने, उचाल्ने, पछार्ने, आफ्नो स्वार्थ सिद्ध गर्ने अनि देशलाई तल पार्दिने,’ उनले भने । उनले यस्ता खेल नखेलेर जनताको जीवनमा परिवर्तन आउने गरी काम गर्नुपर्नेमा जोड दिए । ‘हाम्रो देशलाई असल बाटोमा हिँडाएर सबै जनताले हाम्रो जीवनमा परिवर्तन आयो, राम्रो भयो भन्ने बनाउनेतिर सोच्नुपर्छ,’ विप्लवको भनाइ थियो ।

विप्लवले नेताहरू जनतातिर नफर्किएको र कार्यकर्तालाई उत्पादनसँग नजोडेकोमा पनि असन्तुष्टि जनाए । ‘नेताहरू आफ्नो श्रम गर्नेतिर फर्केनन्, आफ्नो पार्टी र कार्यकर्तालाई उत्पादनतिर लगाएनन्,’ उनले भने, ‘सजिलै पैसा खोज्दै हिँड्दाखेरि विदेशीको एजेन्ट भएका छन् ।’

कार्यक्रममा विप्लवले अन्तरिम सरकारकी प्रधानमन्त्री सुशीला कार्की र अन्य मन्त्रीहरूलाई ‘राम्रो काम’ गर्न शुभकामना दिए । ‘सुशीलाजीलाई हाम्रो यो पनि शुभकामना छ, राम्रो गर्नुस् न । आइहाल्नुभयो तपाईंले गर्नुस् न, अरू मन्त्रीहरूले पनि राम्रो गर्नुस्,’ उनले भने, ‘तर यसको मतलव अर्कोको टाउकोमा दोष थोपरेर आफूलाई सही देखाउने कुरातिर होइन । राम्रो गर्ने तिरबाट सोच्नुपर्छ ।’

सोही कार्यक्रममा नेकपाका महासचिव विप्लवले शहीद परिवार देवीमाया वि.क.लाई तीनकोठे घर हस्तान्तरण गरेका थिए । देवीमायाले सशस्त्र युद्धमा आफ्ना दुई छोरा राजु र शंकर गुमाएकी थिइन् । उनका लागि नेकपा कपिलवस्तुले घर निर्माण गरिदिएको थियो । घर हस्तान्तरण कार्यक्रममा विप्लवले शहीदका सपनालाई बोकेर हिँड्ने प्रतिबद्धता जनाए । उनले भने, ‘हाम्रो प्रतिबद्धता छ, अन्तिमसम्म हाम्रा शहीदहरूका सपनालाई बोकेर हिँड्ने, हाम्रो देशको भविष्यलाई बोकेर हिँड्ने हाम्रो चाहना छ । त्यो अनुसार नै हामीले मिहिनेत गर्छौं ।’

विप्लवले सोमबार बेलुका नै एक भिडियो सन्देश सार्वजनिक गर्दै सुशीला कार्की नेतृत्वको सरकारको बनोटप्रति विरोध जनाएका थिए । उनले ‘विद्रोह जेनजीको तर सरकार जेन एक्सको’ भएको टिप्पणी गरेका थिए ।

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।