
मेष : पारिवारिक सुख, वाणीमा माधुर्य र आर्थकि लाभको योग बनिरहेको छ । आजको दिन वाणीमा संयमता राख्दा सम्बन्धहरू अझ सुदृढ बन्नेछन् । व्यापार वा सेवामा लाभदायक लेनदेनको सम्भावना छ ।
वृष : आत्मविश्वास, सौन्दर्यबोध र मानसिक स्थिरता विशेष रूपले प्रकट हुनेछ । भावनात्मक सन्तुलन कायम राख्न सकिनेछ । कला, साहित्य वा सिर्जनात्मक क्षेत्रमा संलग्न भइनेछ भने आजको दिन प्रेरणादायी बन्नेछ । पारिवारिक सम्बन्धमा माया र समझदारीको झल्को रहनेछ ।
मिथुन : खर्च, भ्रम र शारीरिक थकानको संकेत देखिन्छ । अनावश्यक यात्राबाट बच्नु उपयुक्त हुनेछ । ध्यान, योग वा एकान्त साधनामा समय बिताउनु लाभदायक हुने छ । निजी गोपनीयताको रक्षा गर्नु आजको पहिलो प्राथमिकता हुन सक्छ ।
कर्कट : इच्छाफल सिद्ध गर्ने दिन हो । पुराना योजनाहरूमा प्रगति हुने संकेत छन् । साथीभाइ वा सञ्जालबाट सहयोग पाइनेछ । आर्थिक लाभका सम्भावना प्रबल छन् । सामाजिक कार्य वा समूहमा नेतृत्व गर्ने अवसर प्राप्त हुन सक्छ ।
सिंह : कार्यक्षेत्रमा सम्मान, सफलता र उत्तरदायित्व प्राप्तिको संकेत छ । आजको दिनमा लिएको निर्णयले दीर्घकालीन प्रभाव पार्न सक्छ । वरिष्ठ अधिकारी वा गुरुजनको कृपा प्राप्त हुन सक्छ । सार्वजनिक छविमा निखार आउने समय हो ।
कन्या : भाग्यबल जागृत हुनेछ । तपाईँका प्रयासले सफलता ल्याउनेछ । धर्म, दर्शन वा विदेशसम्बन्धी विषयमा प्रगति सम्भव छ । यात्राको योग बलियो देखिन्छ । कुनै सानोतिनो सहायताले पनि ठूलो कार्य सिद्ध हुनसक्ने समय हो ।
तुला : मानसिक तनाव, स्वास्थ्यप्रति चिन्ता वा गोप्य समस्याहरू ल्याउन सक्छ । जोखिमपूर्ण कार्यबाट टाढा रहनु श्रेयस्कर हुनेछ । ध्यान, मौन वा आत्मनिरीक्षणले आजको दिनलाई शान्त तुल्याउन सक्छ । धैर्य र स्थिरताले परिस्थिति सुधार्नेछ ।
वृश्चिक : वैवाहिक र साझेदारी सम्बन्धलाई उर्जा दिनेछ । प्रेम र विश्वासमा आधारित सम्बन्धहरू अझ प्रगाढ बन्नेछन् । वैवाहिक जीवनमा सहयोग, समझदारी र स्नेह बढ्ने सम्भावना छ । नयाँ व्यावसायिक सम्झौताका लागि पनि अनुकूल समय हो ।
धनु : कार्यक्षेत्रमा सक्रियता, अनुशासन र प्रतिस्पर्धामा विजय भइनेछ । कानुनी वा विवादित विषयहरूमा निष्पक्षता पाइनेछ । स्वास्थ्यमा सुधार, ऋण तिर्ने वा संकलन गर्ने प्रयास सफल बन्नेछ । प्रयास गर्दा लक्ष्यमा पुग्न सकिने समय हो ।
मकर : प्रेम, सन्तान र सिर्जनात्मक क्षमतामा सकारात्मक उर्जा मिल्नेछ । विद्यार्थीहरूका लागि समय अनुकूल छ । कुनै नयाँ रचनात्मक योजना थालनीको समय हो । प्रेम प्रस्ताव सफल बन्न सक्छ ।
कुम्भ : मानसिक असन्तुलन वा पारिवारिक चिन्ताको संकेत देखिन्छ । मातापिताको स्वास्थ्य वा स्थायी सम्पत्तिसम्बन्धी विषयमा संवेदनशीलता देखिन सक्छ । मानसिक शान्तिका लागि एकान्त वा साधनामा समय दिनु उत्तम हुनेछ ।
मीन : साहस, उत्साह र अभिव्यक्तिको सशक्त प्रभाव हुनेछ । छोटो यात्रा, भाइबहिनीको साथ, वा लेखन-प्रस्तुतीकरणमा सफलता मिल्नेछ । सञ्चारमार्फत अवसर प्राप्त हुने देखिन्छ ।
काठमाडौं । दशैँ–तिहारलाई लक्षित गर्दै नेपालकै अग्रणी सोफा तथा गृहसज्जा उत्पादन गर्ने संस्था सोफा हब काठमाडौं ले उपभोक्तालाई आकर्षित गर्ने गरी विशेष योजना सार्वजनिक गरेको छ।

कम्पनीले सुरु गरेको ‘दशैँ–तिहार झटका अफर’ मार्फत ग्राहकले विदेश भ्रमणदेखि हात खाली नजाने विभिन्न उपहार पाउने अवसर प्राप्त गर्नेछन्।
कम्पनीका अनुसार यस अफरमा सहभागी हुने ग्राहकका लागि विभिन्न आकर्षण छन्। सोफा वा अन्य फर्निचरका सामान खरिद गर्ने ग्राहक मध्ये १० जना भाग्यशालीले निःशुल्क थाइल्यान्ड भ्रमण पाउनेछन् भने अरूले हात खालि नजाने उपहार प्राप्त गर्नेछन्। साथै, सबै ग्राहकलाई छुट, ग्यारेन्टी तथा निःशुल्क सेवा सुविधासमेत उपलब्ध गराइनेछ।
थाइल्यान्ड भ्रमणको विशेष अवसर
सोफा हब काठमाडौंले ल्याएको अफर अन्तर्गत १० जना भाग्यशाली ग्राहकलाई चिठ्ठामार्फत थाइल्यान्ड भ्रमण गर्ने अवसर प्रदान गरिनेछ। कम्पनीले यो योजनाले दशैँ–तिहारलाई अझ रमाइलो र स्मरणीय बनाउन सहयोग गर्ने विश्वास व्यक्त गरेको छ।
थाइल्यान्ड भ्रमणको अवसरलाई कम्पनीले आफ्नो ‘ग्राहकलाई सम्मान गर्ने नीति’ को हिस्सा भनेको छ। गुणस्तरीय उत्पादन खरिदसँगै विदेशी यात्रा गर्ने अवसर पाउनु उपभोक्ताका लागि अभूतपूर्व अनुभव हुने कम्पनीको दाबी छ।

‘Scratch Card’ मार्फत हात खाली नहुने व्यवस्था
ग्राहकलाई हात खाली नहोस् भन्ने उद्देश्यले यसपालि ‘Scratch Card योजना’ ल्याइएको छ।
३५ हजार रुपैयाँको सोफा खरिद गर्दा सोही मूल्य बराबरको फ्रिज उपहार दिइनेछ।
त्यस्तै, Scratch कार्ड मार्फत फ्रिज, बिजुलीको केतली, भात पकाउने भाँडो, हिटर, तातो–चिसो दुवै पानी राख्ने बोतल लगायतका उपहार जित्ने अवसर पनि ग्राहकलाई हुनेछ।
यस योजनाले सामान्य खरिदलाई विशेष बनाउन सहयोग गर्ने कम्पनीको भनाइ छ।

सामाजिक सञ्जालमार्फत सोफा जित्ने मौका
सोफा हब काठमाडौंलाई टिकटक, फेसबुक, इन्स्टाग्राम तथा युट्युब जस्ता सामाजिक सञ्जालमा पछ्याउने मध्य एक जना भाग्यशाली विजेताले रु. ६५ हजार बराबरको सोफा निःशुल्क प्राप्त गर्नेछन्।
कम्पनीले यस योजनामार्फत सामाजिक सञ्जालमा आफ्ना ग्राहकसँग अझ नजिक हुने र ग्राहकलाई प्रत्यक्ष लाभ पुर्याउने उद्देश्य राखेको जनाएको छ।
छुट, ग्यारेन्टी तथा अन्य सुविधा
दशैँ–तिहार अवधिभर कम्पनीले ग्राहकलाई थप आकर्षक सुविधा दिने घोषणा गरेको छ।
नेपालभर निःशुल्क सामान पुर्याउने व्यवस्था
सोफा तथा फर्निचरका सामग्रीमा ५० प्रतिशतसम्म छुट
खरिद गरिएका उत्पादनमा २० वर्षसम्मको ग्यारेन्टी
ग्यारेन्टी अवधिभित्र समस्या देखिएमा सोफा मर्मत वा प्रतिस्थापन सुविधा
कम्पनीले लामो समय टिक्ने उत्पादन मात्र नभई खरिदपछि पनि ग्राहकलाई सहज हुने गरी सेवा–सुविधा दिने गरेको दाबी गरेको छ।

आधिकारिक शाखाबाट मात्र खरिद गर्न आग्रह
हाल सोफा हब काठमाडौंका नेपालभर १० वटा शाखा सञ्चालनमा रहेका छन्। कम्पनीले ग्राहकलाई आधिकारिक शाखाबाट मात्र खरिद गर्न अनुरोध गरेको छ।
कम्पनीका अनुसार सबै शाखामा एउटै चिन्ह प्रयोग गरिएको भए पनि चितवन शाखामा भने चिन्ह केही फरक छ। त्यसैले ठगीबाट जोगिन चिन्ह अनिवार्य रूपमा जाँच गर्न आग्रह गरिएको छ।
यसरी, ग्राहकलाई सजग रहन र आधिकारिक शाखाबाट मात्र खरिद गर्न कम्पनीले निरन्तर सचेतनामूलक सन्देश दिँदै आएको छ।
नेपालकै विश्वासिलो ब्रान्ड
स्थापना कालदेखि नै गुणस्तरीय सामग्री, दीर्घकालीन टिकाउपन, आधुनिक डिजाइन र उत्कृष्ट ग्राहक सेवाका कारण सोफा हब काठमाडौं उपभोक्तामाझ नेपालकै विश्वासिलो ब्रान्ड बनेको छ।
देशभर हजारौँ ग्राहकलाई सेवा प्रदान गर्दै आएको यस कम्पनीले उत्पादनमा प्रयोग हुने कच्चा पदार्थदेखि लिएर डिजाइन र मर्मतसम्म उच्चतम मापदण्ड पालना गर्दै आएको जनाएको छ।
यसैका आधारमा सोफा हब काठमाडौंले बजारमा आफ्नो स्थान मजबुत बनाएको छ। कम्पनीका अनुसार यसपटकको ‘दशैँ–तिहार झटका अफर’ उपभोक्तामुखी योजनामध्ये अहिलेसम्मकै सबैभन्दा ठूलो तथा आकर्षक योजना हो।
काठमाडौं । जेनीजी आनदोलनका क्रममा चितवनमा एक जना प्रदर्शनकारीको मृत्यु भएको पुष्टि भएको छ ।
भरतपुर महानगरका नगरउपप्रमुख चित्रसेन अधिकारीको घरमा आगो लगाउने गोरखाका १९ वर्षीय सरोज गुरुङको जलेर मृत्यु भएको पुष्टि भएको हो ।
अधिकारीको घरमा २४ गते बेलुका आगो लगाउन गएका उनी घरको सिलिण्डर ग्यास पड्किँदा घाइते भएका थिए । उनको उपचारको क्रममा पुरानो मेडिकल कलेज भरतपुरमा आज मृत्यु भएको चितवनका प्रहरी प्रमुख एसपी गोविन्द पुरीले जानकारी दिए ।
भदौ २३ गते शान्तिपूर्ण रुपमा सुरु भएको जेनजी आन्दोलन प्रहरी दमनबाट १९ युवाको मृत्यु भएपछि भड्किएको थियो ।
राष्ट्रपति रामचन्द्र पौडेलले प्रतिनिधिसभा विघटन गरेका छन्। प्रधानमन्त्री सुशीला कार्कीको सिफारिसमा राष्ट्रपति पौडेलले शुक्रबार राति ११ बजेदेखि लागू हुनेगरी प्रतिनिधिसभा विघटन गरेका हुन्।
प्रतिनिधिसभा विघटन भएसँगै नयाँ निर्वाचन मिति पनि तोकिएको छ। आगामी फागुन २१ गते बिहीबारका दिन नयाँ प्रतिनिधिसभाको निर्वाचन गर्नेगरी मिति तोकिएको राष्ट्रपति कार्यालयका उपसचिव रुपेशजंग थापा मगरले बताए।
जेनजीको माग र सर्वपक्षीय परामर्शपछि राष्ट्रपति पौडेलले शुक्रबार कार्कीलाई प्रधानमन्त्रीमा नियुक्त गरेका थिए। संविधानको धारा ६१ बमोजिम राष्ट्रपति पौडेलले कार्कीलाई प्रधानमन्त्रीमा नियुक्त गरेका थिए।
नवनियुक्त प्रधानमन्त्री कार्कीले पद तथा गोपनीयताको सपथ लिँदै कार्यभारसमेत सम्हालेकी छन्।
आगामी ६ महिनाभित्र प्रतिनिधिसभाको नयाँ निर्वाचन हुने भएको छ।
राष्ट्रपति रामचन्द्र पौडेलले आगामी ६ महिनाभित्र प्रतिनिधिसभाको नयाँ निर्वाचन गर्ने गरी पूर्वप्रधानन्यायाधीश सुशीला कार्कीलाई प्रधानमन्त्रीमा नियुक्त गरेका छन्।
प्रधानमन्त्री कार्कीलाई नयाँ जनादेशका लागि आगामी ६ महिनाभित्र प्रतिनिधिसभाको नयाँ निर्वाचन सम्पन्न गर्ने जिम्मेवारी दिइएको छ।
नयाँ गठित सरकारले आगामी फागुन महिनाभित्र नयाँ जनादेशका लागि प्रतिनिधिसभाको निर्वाचन गराउनुपर्नेछ।
काठमाडौँ । नवनियुक्त प्रधानमन्त्री सुशीला कार्कीले पद तथा गोपनीयताको शपथ लिएकी छन् ।
राष्ट्रपति कार्यालय शीतल निवासमा आयोजित समारोहमा राष्ट्रपति रामचन्द्र पौडेलले कार्कीलाई प्रधानमन्त्री पदको शपथ गराएका हुन् ।
राष्ट्रपति रामचन्द्र पौडेलले आजै उनलाई जेन–जीको माग अनुसार अन्तरिम मन्त्रिपरिषद्को प्रधानमन्त्रीको रूपमा नेतृत्व गर्ने गरी नियुक्ति गरेका हुन् ।
कार्कीलाई प्रधानमन्त्री बनाउन राष्ट्रपतिले संविधानको धारा ६१ लाई टेकेका छन् । उक्त धाराको उपधारा ४ मा राष्ट्रपतिले ‘संविधानको पालन र संरक्षण गर्नु राष्ट्रपतिको प्रमुख कर्तव्य हुनेछ ’ भनिएको छ । त्यस्तै उपधारा ३ मा राष्ट्रपतिले नेपालको राष्ट्रिय एकताको प्रवर्धन गर्नेछ भनिएको छ । यी दुवै धारालाई आधार बनाउँदै कार्की मन्त्रिपरिषद्को अध्यक्ष बनाइएको छ ।
पूर्वप्रधानन्यायाधीश कार्की नेपालको इतिहासमा पहिलो महिला प्रधानमन्त्री हुन् । न्यायपालिकामा लामो समयसम्म सेवा गरी चर्चा कमाएकी कार्कीलाई स्वतन्त्र, निडर र पारदर्शी न्यायाधीशका रूपमा चिनिन्छ ।
अनुभवी, निष्पक्ष र संविधानप्रति प्रतिबद्ध व्यक्तित्वको रूपमा परिचित कार्कीको नेतृत्वमा बन्ने अन्तरिम सरकारलाई आगामी निर्वाचनसम्म मुलुकको नेतृत्व गर्ने जिम्मेवारी दिइएको छ ।
काठमाडौं । पूर्वप्रधानन्यायाधीश सुशिला कार्की अन्तरिम सरकारको प्रधानमन्त्री नियुक्त भएकी छन् ।
उनलाई राष्ट्रपति रामचन्द्र पौडेलले प्रधानमन्त्री नियुक्त गरेका हुन् । त्यस्तै, उनको शपथ ग्रहण आजै बेलुका ९ बजे हुने भएको छ ।
काठमाडौं– विभिन्न विद्यार्थी संगठनका पूर्व पदाधिकारीहरूले भदौ २७ गते (सेप्टेम्बर ८) मा भएको घटनामा प्रहरीले गरेको हस्तक्षेपप्रति गम्भीर आपत्ति जनाउँदै निष्पक्ष छानबिनको माग गरेका छन्। बैठकले यस घटनामा प्रहरीलाई मुख्य दोषी ठहर गर्दै, घुसपैठकर्ताहरूको पनि कारबाही हुनुपर्ने बताएका छन्।
उनका अनुसार, घुसपैठका कारण नेपालले अर्बौँ रुपैयाँ क्षति भोग्नु परेको छ र मुलुकको आधारभूत पूर्वाधार पनि प्रभावित भएको छ।
यो बैठक पूर्व संविधान सभा सदस्य रञ्जित कर्णाले संयोजन गरेका थिए, जसमा सहभागी नेताहरूमा अखिल (क्रान्तिकारी) का पूर्व अध्यक्ष हिमाल शर्मा, रमेश मल्ल, रञ्जित तामाङ, पूर्व विद्यार्थी नेता माधव धुंगेल, किशोर विक्रम मल्ल, सांसद नविना लामा, नेविसंघका पूर्व महामन्त्री सरोज थापा, पूर्व उपाध्यक्ष पुष्पा शाही नेविसंघ कै पुर्ब उपाध्यक्ष भुपेन्द्र जंग शाही युबा नेता खगेन्द्र आचार्य पूर्व कोषाध्यक्ष शिवा रिमाल, साथै जय नेपाल फाउण्डेशनका अध्यक्ष एवं नेविसंघका पूर्व कोषाध्यक्ष बद्री अर्याल रहेका थिए।
बैठकले घटनाको विश्लेषण गर्दै प्रहरीको भूमिकालाई सिद्ध दोषी को रूपमा चिन्हित गरेको छ। नेताहरूले भने, राजनीतिक गतिविधि र आन्दोलनमा घुसपैठ गर्ने र प्रहरी बल प्रयोग गरेर दबाउने प्रयासले लोकतान्त्रिक मूल्य र नागरिक अधिकारमाथि गम्भीर चोट पुर्याएको छ। यसबारे तत्काल निष्पक्ष र ठोस छानबिन आवश्यक छ।
बैठकमा नेताहरूले इतिहास सम्झिँदै भने, “२०६२/६३ सालमा हामी युवा पुस्ता (Gen Z) थियौं, शासन गर्ने अवसर पायौ तर त्यत्ति बेला हामिले गरेनौ! अब तपाईंहरूले अगाडि बढ्नुभएको छ, तपाईंहरूले देशको नेतृत्व लिनुपर्छ र मुलुकलाई समृद्ध र सुरक्षित बनाउनु पर्छ।
बैठकले यसो पनि जोड दियो कि नयाँ प्रधानमन्त्री युवा पुस्ता (Gen Z) हुनुपर्छ, र हाम्रो संविधानमा कुनै सम्झौता हुन सक्दैन। यदि संविधानमाथि कुनै पनि प्रकारको समझदारी वा हस्तक्षेप भयो भने, उनीहरूले भने, हामी २०६२/६३ जस्तै आन्दोलन गरेर हाम्रो संविधान जोगाउनेछौं।
नेताहरूले हालको राजनीतिक अवस्थाले अस्थिरता र अविश्वास बढाएको भन्दै भ्रष्टाचारविरुद्ध स्पष्ट एजेन्डा बोकेका नयाँ पुस्ताका नेताहरूलाई समर्थन गर्ने विचारसमेत व्यक्त गरे। उनीहरूको भनाइ अनुसार, पुराना शैलीको राजनीति भन्दा पनि अब नयाँ पुस्ताको नेतृत्वमा जनता बढी विश्वास गर्ने वातावरण बनेको छ।
बैठकले अन्त्यमा माननीय राष्ट्रपतिज्यूलाई संवैधानिक मार्ग अवलम्बन गरी नयाँ प्रधानमन्त्रीको चयनमा पहल गर्न विशेष अनुरोध गरेको छ। नेताहरूले भने, संविधानलाई जोगाउने, स्थायित्व कायम गर्ने र जनतामा आशा जगाउने जिम्मेवारी राष्ट्रपतिज्यूको काँधमा छ। त्यसैले, संवैधानिक बाटोबाटै मुलुकलाई नयाँ सरकारतर्फ अघि बढाउन जरुरी छ।”
यसरी विद्यार्थी नेताहरूको संयुक्त धारणा र मागले राजनीतिक वृत्तमा गहिरो चर्चा पैदा गरेको छ। अब सरकार र सम्बन्धित निकायले यसलाई कस्तो गम्भीरताका साथ लिन्छन् भन्ने प्रतीक्षा भइरहेको छ।
चर्चित ज्योतिष पुष्कर खतिवडाले २०८१ साल माघ २५ गते भविष्यवाणी गरेका थिए कि २०८२ असोज अगावै नेपालमा मौजुदा व्यवस्था परिवर्तन हुनेछ।
खतिवडाले त्यसबेलामा स्पष्ट रूपमा भनेका थिए, “व्यवस्था नै परिवर्तन हुने योग बनेको छ। असोज महिनाभित्र नेपालमा अहिले कायम व्यवस्था ढल्नेछ र नयाँ युगको सुरुवात हुनेछ। हेर्दा सुन्दर देखिने सहरहरु तहसनहस हुनेछन्।”
उनको भविष्यवाणी अनुसार नै अहिले जेनजी आन्दोलनका क्रममा भयावह परिस्थितिहरू सिर्जना भएका छन्। प्रदर्शनका क्रममा भएको हिंसामा ५१ जनाको मृत्यु भएको छ भने धेरै घाइते भएका छन्।





