२०८३ मंसिर ४ गते बिहीबार
२०८३ मंसिर ४ गते बिहीबार

काठमाडौं । सहकारी ठगीको आरोपमा नख्खु कारागारमा रहेका रास्वपाका सभापति रवि लामिछानेलाई कारागार प्रशासनले भेट्न रोक लगाएको छ ।

नख्खु कारागार प्रशासनले लामिछानेलाई भेटघाट गर्न दिने क्रम तत्काल बन्द गरिएको जनाएको छ । यसअघि तय भएका भेटघाट समेत स्थगन गरिएको रास्वपाका प्रवक्ता मनिष झाले जानकारी दिएका छन् ।

यो निर्णयले रवि लामिछानेलाई भेट्न इच्छुक कार्यकर्ता र समर्थकहरूमा चिन्ता बढाएको छ । उनीमाथि सहकारी ठगी मुद्दामा अनुसन्धान जारी रहेको छ ।

काठमाडौं । देशमा बढेको भ्रस्टाचार र सरकारले सामाजिक सञ्जाल बन्द गराएको विरोधमा जेनजी युवाहरूले काठमाडौंको माइतीघर मण्डलामा गरेको प्रदर्शनमा भिड बढ्दै गएको छ । उनीहरूले भ्रष्टाचार, अव्यवस्था र सामाजिक सञ्जाल बन्द गर्ने सरकारको निर्णयको विरोधमा प्रदर्शन गरेका हुन् ।

माइतीघर मण्डलबाट बिहान ९ बजे सुरु भएको प्रदर्शनमा युवाहरूको उल्लेख्य सहभागिता रहेको थियो, जसमध्ये धेरै कलेज पोसाक र परिचयपत्रसहित उपस्थित थिए । युवाहरूको यो प्रदर्शन वर्तमान राजनीतिक अवस्थाप्रतिको गहिरो असन्तुष्टिको परिणाम हो । उनीहरूले देशमा रोजगारीको अवसर सिर्जना गर्नुपर्ने, पूर्ण सुशासन कायम हुनुपर्ने र नागरिकको अभिव्यक्ति स्वतन्त्रतामाथि अंकुश लगाउने सामाजिक सञ्जाल प्रतिबन्धको निर्णय फिर्ता लिनुपर्ने मुख्य माग राखेका छन् ।

प्रदर्शनकारीहरूले विभिन्न नारा लेखिएका प्लेकार्ड बोकेका थिए । ‘असन्तुष्टि चरम छ, नेताको गोजी गरम छ’, ‘जेनजी चिच्याउँछ, भ्रष्टहरूलाई गिज्याउँछ’, ‘कता हिँडेको ट्याक्स लुटेर ?’, ‘स्वतन्त्र आवाज हाम्रो अधिकार’, ‘स्टप करप्सन’, ‘सामाजिक सञ्जाल बन्द, भ्रष्टाचार खुला’ र ‘हामीलाई बोल्न दे सरकार’ जस्ता नाराले उनीहरूको आक्रोश र माग स्पष्ट पारेको थियो ।

प्रदर्शनमा सहभागी युवाहरूले ‘गाउँ-गाउँबाट उठ, बस्ती बस्तीबाट उठ, यो देशको मुहार फेर्नलाई उठ’ लगायतका गीत गाउँदै आफ्नो आवाज बुलन्द पारेका थिए । जेनजीहरूले आफ्नो प्रदर्शन पूर्णतः शान्तिपूर्ण हुने र यसमा कुनै पनि राजनीतिक दलका नेताहरूलाई सहभागी नहुन आग्रह गरेका छन् । प्रदर्शनपश्चात् कुनै कोणसभा वा भाषणको कार्यक्रम नरहेको उनीहरूले स्पष्ट पारेका छन् ।

यो प्रदर्शनले नेपालका युवा पुस्ता अब देशको भविष्यप्रति मौन नरहने र आफ्नो हक अधिकारका लागि सडकमा उत्रिन पछि नपर्ने सन्देश दिएको छ । उनीहरूको यो शान्तिपूर्ण तर सशक्त आवाजले सरकारलाई भ्रष्टाचार नियन्त्रण, सुशासन प्रवर्द्धन र नागरिक स्वतन्त्रताको सम्मान गर्न थप दबाब सिर्जना गर्ने अपेक्षा गरिएको छ ।

मेषः दिन सामान्य छ। शिक्षा र स्वास्थ्यमा केही सुधार भएपनि राजनीति क्षेत्रमा समस्या हुनेछ। यात्रामा अनावश्यक खर्च र झन्झट व्यहोर्नुपर्नेछ। परिवारमा मनमुटाव बढ्नेछ।

वृषः दिन राम्रो छ। गुम्न लागेको धन हात लाग्नेछ। पूर्वको यात्रामा आज नजानु राम्रो हुन्छ। स्वास्थ्य समस्या आउन सक्छ। राजनीतिमा गरेको लगानीबाट उत्साह थपिनेछ। स्वदेशमा भन्दा विदेशमा गरेको लगानीबाट फाइदा मिल्नेछ। परिवारको सहयोग लिएर अगाडि बढेमा नाफा होला।

मिथुनः दिन राम्रो छ। तपाईंको बोलीको महत्त्व बढ्नेछ। बोल्दा भने तीन पटक सोचेर बोल्नु उचित हुन्छ। आज जुनसुकै काम गर्दा पनि हुनेगरी विकल्प आइलाग्ने छन्। परिवारसँगको सम्बन्ध सुमधुर बन्नेछ।

कर्कटः दिन राम्रो छ। गुम्न लागेको धन हात लाग्नेछ। स्वास्थ्य सुधार हुनेछ। शिक्षामा बढुवा हुने योग रहेको छ। परिवारको साथमा रमाइलो गर्ने अवसर मिल्नेछ। प्रेम सम्बन्ध सुमधुर बन्ला।

सिंहः दिन राम्रो छ। रोगबाट मुक्त हुने दिन छ। राजनीतिक क्षेत्रमा संगठन बलियो हुनेछ। परिवारमा झगडा हुने जोखिम छ। धार्मिक कार्यमा सहभागी भएर दिनको सुरुवात गरेमा सोचेका काम बन्नेछन्।

कन्याः दिन सामान्य छ। खर्च बढ्नेछ। राजनीतिक क्षेत्रमा भने संगठन बलियो हुनेछ। भूमिसम्बन्धी कारोबारमा लाभ प्राप्त गर्नुहुनेछ। परिवारमा मनमुटाव हुने जोखिम छ।

तुलाः दिन राम्रो छ। आम्दानीका दृष्टिकोणले आज तपाईको दिन राम्रो छ। बौद्धिक क्षेत्रका व्यक्तिसँगको अन्तरक्रियाले मन हलुका हुनेछ। पारिवारिक सम्बन्ध सुमधुर रहनेछ। स्वास्थ्य र शिक्षामा आज नाम र दाम दुवै मिल्ने योग छ।

वृश्चिकः दिन राम्रो छ। स्वास्थ्य र शिक्षामा लाभ मिल्नेछ। धर्मकर्ममा वितृष्णा फैलनेछ। राजनीतिमा माथिल्लो तहबाट तपाईंले महत्त्वपूर्ण अवसर प्राप्त गर्नु हुनेछ। परिवारको सल्लाह लिएर अघि बढ्दा भाग्यको उदय हुनेछ।

धनुः दिन सामान्य छ। आज ठूलो काममा हात नहाल्नु उपयुक्त हुनेछ। उत्तरको यात्रा जोखिमपूर्ण हुने खतरा छ। एकल यात्रा नगर्नु उपयुक्त हुनेछ। धार्मिक कार्यमा मन जानेछ।

मकरः दिन सामान्य छ। सञ्चित धन खर्च हुनेछ। शत्रु बढ्नेछन्। मित्रले धोका दिनेछन्। राज्यको तर्फबाट भय त्रास हुनसक्ने खतरा छ। काम गर्दा तीन पटक सोच्नु आवश्यक छ।

कुम्भः दिन सामान्य छ। सानातिना कुराले मनमा खटपटी हुनेछ। धार्मिक कार्यमा सहभागी भएर दिनको सुरुवात गर्नु राम्रो हुन्छ। पारिवारिक सम्बन्ध राम्रो छ। स्वास्थ्य र शिक्षामा भने लगानी नगर्नु राम्रो हुन्छ।

मीनः दिन सामान्य छ। खानपानमा ख्याल नगर्दा स्वास्थ्यमा समस्या देखिनेछ। राम्रो बोल्दा पनि नराम्रो सुनिने भएकाले बोल्दा ख्याल गर्नुपर्नेछ। परिवारभित्र भने तपाईंको प्रशंसा गर्ने बढ्नेछन्। नजिकैको सुखद् यात्रा हुनसक्छ।

 

काठमाडौं। प्रत्येक वर्ष आश्विन कृष्ण-प्रतिपदादेखि सुरु हुने सोह्र श्राद्ध अर्थात् पितृ पक्ष आजदेखि विधिवत् आरम्भ हुँदै छ।

आरम्भका दिन आज प्रतिपदा तिथि श्राद्ध गर्नुपर्ने नेपाल पञ्चांग निर्णायक विकास समितिले स्वीकृति दिएका पात्रो (पञ्चांग)मा उल्लेख छ। प्रतिपदा तिथि श्राद्धको पिण्डदान अपराह्नसम्म गरिसक्नुपर्ने समितिका सदस्य एवं धर्मशास्त्रविद् प्राडा देवमणि भट्टराईले जानकारी दिए।

आश्विन कृष्ण प्रतिपदादेखि आश्विन शुक्ल प्रतिपदासम्मका सोह्रवटा तिथिमा दिवंगत पितृलाई सम्मानका साथ तर्पण, सिदादान र पिण्डदान गरिने भएकाले सोह्रश्राद्ध भनिएको हो। यो समयलाई अपर, प्रेत पक्ष आदि नामले पनि बुझिन्छ।

चाडपर्व यज्ञयागादि तथा ठूलाकार्य गर्नु अघि पितृलाई श्रद्धा भक्तिका साथ सम्झिने वैदिक सनातन हिन्दू शास्त्रीय परम्पराअनुसार सोह्रश्राद्ध गर्ने गरिएको हो। यस समयमा पितृले आश गरी बसेका हुन्छन् भन्ने शास्त्रीय मान्यता छ।

यसरी सोह्रश्राद्ध गर्नाले पितृप्रतिको आफ्नो दायित्वबोध पुरा हुनाका साथै पितृऋणबाट मुक्त भइन्छ भन्ने धार्मिक विश्वास छ। यो पक्षमा श्राद्ध नगर्दा अक्षम्य दोष लाग्छ भन्ने शास्त्रीय वचनका आधारमा श्राद्ध गर्ने गरिएको धर्मशास्त्रविद् प्रा तोयराज नेपाल बताउँछन्। सोह्रश्राद्ध अपराह्न कालमा गर्नुपर्छ भन्ने शास्त्रीय वचन रहेको पनि उनले बताए। जाताशौच, मृताशौच र पत्नी रजस्वला भएका अवस्थामा बाहेक सोह्र श्राद्ध छोड्नु नहुने धर्मशास्त्रविद् नेपाल बताउँछन्।

कारणवश सोह्र श्राद्ध रोकिँदा शास्त्रमा अनेक विकल्प दिइएका छन्। सोह्र श्राद्ध कर्ताले आफ्ना पिताको तिथिमा गर्नुपर्ने विधान छ। आपत् धर्मअनुसार कुनै कारणवश अड्किएमा आश्विन कृष्ण औँसीदेखि आश्विन शुक्ल पञ्चमीसम्म गर्न हुने शास्त्रीय वचन रहेको धर्मशास्त्रविद्को भनाइ छ।

यो समयमा पनि कारणवश सोह्र श्राद्ध गर्न नसकिएमा कार्तिककृष्ण औँसी अर्थात् लक्ष्मीपूजाका दिन गर्न सकिन्छ। कार्तिककृष्ण औँसीमा पनि गर्न नसकिने भएमा वृश्चिक सङ्क्रान्ति अर्थात् मङ्सिरसम्म जुराएर गर्न सकिने धर्मसिन्धु नामक शास्त्रीय ग्रन्थमा उल्लेख छ।

आश्विन शुक्ल पञ्चमीपछिका अष्टमी, द्वादशी र औँसी, भरणी नक्षत्र र व्यतिपात योग परेका दिन जुनसुकै तिथि परेपनि रोकिएको सोह्रश्राद्ध गर्न सकिने शास्त्रीय विकल्पसमेत निर्णयसिन्धु, धर्मसिन्धुलगायत धर्मशास्त्रका ग्रन्थमा दिइएको नेपाल संस्कृत विश्विद्यालय वाल्मीकि विद्यापीठ धर्मशास्त्र विभागका प्रमुखसमेत रहेका समिति सदस्य प्राडा भट्टराईले जानकारी दिए।

त्यसपछि पनि सोह्रश्राद्ध गर्न नसकिएमा सक्नेले आफैँ नसक्नेले ब्राह्मणमार्फत् दैनिक १०८ मन्त्र जप गर्न सकिने शास्त्रीय विकल्प रहेको उनले सुनाए। विधिपूर्वक यस्तो जप १० महिनासम्म गर्नुपर्छ। यो विधिबाट पनि पितृले तृप्ति प्राप्त गर्ने धार्मिक विश्वास छ।

सोह्रश्राद्ध अपराह्नकाल पारेर पिताका तिथिका दिन गर्नुपर्नेमा कतिपय पुरोहितले आफू अनुकुल बिहानै श्राद्ध गर्नु भन्ने गरेको जानकारी आएकाले त्यो शास्त्रसम्मत नभएको समितिका अध्यक्ष प्रा शम्भुप्रसाद ढकालले बताए।

पितृ पक्षको समाप्तिसँगै दुर्गा पक्ष अर्थात् बडा दसैँ सुरु हुन्छ। बडादसैँ मनाउनुअघि पितृ तृप्तिका लागि सोह्र श्राद्ध गर्ने गरिएको धर्मशास्त्रीय मत छ। ठूला पर्व वा चाड मनाउनुअघि पितृतृप्तिको कर्म गर्ने वैदिक सनातनी परम्परा रही आएको छ।

काठमाडौं । ‘जेन–जी’ पुस्ताले आज काठमाडौंको माइतिघरदेखि नयाँ बानेश्वसम्म विरोध प्रदर्शन गर्दैछ ।

सरकारले नेपालमा दर्ता नभएका सामाजिक सञ्जाल बन्द गरेपछि आक्रोशित बनेको जेनजी पुस्ताले आज माइतीघर भेला भएर प्रदर्शन गर्न लागेको हो । जेनजीको आन्दोलनलाई विभिन्न संघसंस्था, नेता तथा सेलिब्रेटीहरूले समर्थन गरेका छन् ।

उनीहरूको प्रद्र्शनमा काठमाडौँ महानगरपालिकाका मेयर बालेन शाहले समर्थन गरेका छन् । मेयर शाहले जेनजी पुस्ताले देशभर गर्ने आन्दोलनमा आफ्नो भरपुर समर्थन रहेको बताएका छन् । उनले उमेर हदको कारण सो आन्दोलनमा आफू जान नमिले पनि आफूलाई जेनजी पुस्ताको कुरा बुझ्न जरुरी रहेको र सो आन्दोलनमा भरपुर समर्थन रहेको बताएका हुन् ।

 

त्यस्तै उज्यालो अभियान्ता तथा नेपाल विद्युत प्राधिकरणका पूर्वकार्यकारी प्रमुख कुलमान घिसिङले पनि समर्थन जनाएका छन्। उनले फेसबुकमार्फत जेनजीले निकाल्ने जुलुसमा ऐक्यवद्धता जनाएका हुन् ।

 

त्यस्तै, निर्देशक निस्चल बस्नेतले ‘आफू जेन–जीको साथमा रहेको’ बताउँदै टिकटक भिडियो सार्वजनिक गरेका छन् । उनले सामाजिक संजाल बन्द गर्ने सरकारको कदमको विरोध गरेका छन् ।

निश्चलले देशको कानून निसहाय र गरिब जनताको लागि मात्र लागू भएको जनाएका छन् । जेन–जीको युवापुस्ता भ्रष्टाचारलाई लिएर निराश रहेको उल्लेख गर्दै आन्दोलन हुनु नै थियो भनेका छन् । आफू जेन–जी आन्दोलनमा सहभागी भएर भ्रष्टाचारविरुद्ध बोल्ने समेत निश्चलले बताएका छन् ।

यता, अभिनेता पल शाहले पनि अभिव्यक्ति स्वतन्त्रता खोस्ने, सामाजिक बन्द गर्ने निर्णयले स्थिती झन् गम्भीर बनाएको भन्दै जेन–जी आन्दोलनलाई समर्थन जनाएका छन् । फेसबुकमा स्टाटस लेख्दै उनले शान्तिपूर्ण प्रदर्शन गर्न जेन–जीहरूलाई आग्रह गरेका छन् ।

त्यस्तै अभिनेता अनमोल केसी, गायक प्रकाश सपूत, हलमा चलिरहेको चलचित्र मोहरका टिम लगायत थुप्रैले समर्थन गरेका छन् । अम्रित गुरुङको नेपथ्या ब्याण्ड, गायिका रचना रिमाल, एलिना चौहान र प्रफमर तथा गायक दुर्गेस थापा लगायत थुप्रै सेलिब्रेटीले समस्थन गरेका छन् ।

नातावाद, भ्रष्टाचार र सामाजिक सञ्जालको प्रतिबन्धबिरुद्ध जेन–जीले घोषणा गरेको देशव्यापी आन्दोलनमा सत्तारूढसहित विपक्षी दलहरूले भने केही बोलेका छैनन् । रास्वपाका सभापति रवि लामिछानेले भने कारागारबाटै ऐक्यवद्धता जनाएका छन् ।
मेडिकल व्यवसायी दुर्गा प्रसाईँले पनि आन्दोलनमा समर्थन रहेको बताएका छन् ।

सन् १९९७ देखि २०१२ को बीचमा जन्मिएको पुस्तालाई जेनजी पुस्ता भन्ने गरिएको छ । ‘नेप्लिज स्टुडेन्ट्स फर जस्टिस’को आयोजनामा हुन लागेको आजको प्रदर्शनमा २८ वर्ष उमेरसम्मका युवाहरू मात्र सहभागी हुने बताइएको छ ।

विद्यार्थी पोसाक लगाएर परिचयपत्रसहित माइतीघर मण्डलामा उपस्थित भएर देशमा व्याप्त भ्रष्टाचार र बेतिथि अन्त्यका लागि खबरदारी गर्नसमेत उनीहरूले आह्वान गरेका छन् ।

उनीहरूले आफ्नो आन्दोलनमा कुनै पनि राजनीतिक दल वा नेताको नेतृत्व नरहने बताएका छन् । आन्दोलनमा जेनजी पुस्ता तथा विद्यार्थी मात्रै सहभागी हुने उनीहरूको भनाइ छ ।

काठमाडौँ । सरकारले नेपालमा दर्ता नभएका विभिन्न २६ वटा सामाजिक सञ्जाल बन्द गरेपछि पत्रकारहरूले त्यसविरुद्ध सडकमा प्रदर्शन गरेका छन्।

आइतबार काठमाडौँको माइतीघरमा भएको प्रदर्शनमा सहभागी पत्रकारहरूले अभिव्यक्ति स्वतन्त्रतामाथि प्रहार भएको भन्दै आपत्ति जनाए।

 

नेपाल पत्रकार महासंघका पूर्वपदाधिकारी तथा सदस्यहरूको आह्वानमा गरिएको उक्त विरोधमा सहभागीहरूले ‘नो ब्यान्ड’, ‘अभिव्यक्ति स्वतन्त्रता हाम्रो अधिकार’, ‘जनताको आवाज बन्द गर्न पाइँदैन’, ‘लोकतन्त्र ह्याक हुँदैछ, निरंकुशता फर्किँदै छ’ जस्ता नारासहितका प्लेकार्ड प्रदर्शन गरेका थिए।

पत्रकारहरूले अभिव्यक्ति स्वतन्त्रता कुण्ठित गर्ने निर्णय तत्काल फिर्ता लिन सरकारलाई आग्रह गर्दै आगामी दिनमा थप सशक्त आन्दोलन गर्ने चेतावनीसमेत दिएका छन्।

काठमाडौं महानगरपालिकाका मेयर बालेन शाहले सोमबार हुन लागेको ‘जेनजी’ पुस्ताको भ्रष्टाचारविरोधी प्रदर्शनलाई पूर्ण समर्थन जनाएका छन्।

उनले आफ्नो फेसबुकमार्फत यो र्‍याली स्वस्फूर्त र २८ वर्षभन्दा कम उमेरका युवाको रहेको भन्दै यसमा कुनै पनि पार्टी, नेता वा अभियन्ताले आफ्नो स्वार्थ पूरा गर्न नहुने सुझाव दिएका हुन्।

शाहले आफू उमेर हदबन्दीका कारण र्‍यालीमा सहभागी हुन नमिल्ने भए पनि युवाहरूको इच्छा, उद्देश्य र सोच बुझ्न इच्छुक रहेको बताएका छन्। उनले लेखेका छन्, ‘भोलीको र्‍याली स्पष्ट र स्वस्फूर्तरूपमा जेनजीको हो, जसका लागि म पनि अझै बुढो देखिन्छु।’

मेयर शाहले युवाहरूलाई सम्बोधन गर्दै ‘कस्तो देश देख्न चाहनुहुन्छ?’ भनी प्रश्न पनि गरेका छन्। उनले यो र्‍यालीमा कुनै पनि राजनीतिक दल, नेता वा कार्यकर्ताले बाठो बन्ने प्रयास नगर्न चेतावनी दिँदै युवाहरूको कुरा बुझ्न जरुरी रहेको र आफ्नो पूर्ण समर्थन रहेको उल्लेख गरेका छन्।

मोरङ — प्रतिनिधि सभा सदस्य तथा नेपाली काँग्रेसका केन्द्रीय सदस्य डा. सुनिल कुमार शर्मा अमेरिका प्रस्थान गरेका छन्।

सचिवालयले दिएको जानकारीअनुसार सांसद शर्मा एक महिना अमेरिकामा रहनेछन्। अमेरिकामा रहँदा उनले त्यहाँ रहेका नेपाली दाजुभाइ, दिदीबहिनीहरूसँग भेटघाट गर्ने र राजनीतिक तथा सामाजिक व्यक्तिहरूसँग समेत छलफल गर्ने कार्यक्रम रहेको छ।

सांसद शर्माले अमेरिकाको बसाइलाई नेपाली समुदायसँगको सम्बन्ध सुदृढ बनाउन उपयोग गर्ने जनाइएको छ।

सामाजिक सञ्जालमार्फत डा. शर्माले क्यानडाको एडमोन्टन सहरमा  शैलेश भण्डारीको घरमा पाएको आत्मीय आतिथ्य र बिताएको समयबारे स्मरण गर्दै धन्यवाद प्रकट गरेका छन्। साथै, बहिनी–ज्वाइँ लिला बास्कोटा र विजय दाहालसँग बिताएको समयलाई अझ विशेष रहेको भन्दै भावुक अभिव्यक्ति दिएका छन्।

त्यसैगरी, क्यानडामा रहेका भाई अमिर न्यौपानेसँगको भेटलाई अविस्मरणीय भन्दै उनले प्रसन्नता व्यक्त गरेका छन्। साथै, मित्र होमन गौतमद्वारा सञ्चालित Bonoo Minimart नेपाली पसल सफलतापूर्वक सञ्चालन भइरहेको देख्दा निकै खुशी लागेको समेत उनले उल्लेख गरेका छन्।

डा. शर्माले क्यानडामा रहेका सम्पूर्ण नेपाली दाजुभाइ–दिदीबहिनीहरूले देखाएको न्यानो माया र आत्मीयता प्रति आभार व्यक्त गर्दै, “जय नेपाल!” भन्दै आफ्नो सन्देश समापन गरेका छन्।

उनको यो भावनात्मक सन्देशले प्रवासमा रहेका नेपाली समुदायसँगको सम्बन्धलाई अझ प्रगाढ बनाएको देखिन्छ।

काठमाडौं । आज (भदौ २२ गते) राति खग्रास चन्द्रग्रहण लाग्दैछ । राति १०ः११ बजे ग्रहण स्पर्श भएर १ः४१ बजे मोक्ष हुने नेपाल पञ्चांग निर्णायक विकास समितिले जनाएको छ ।

समितिका अनुसार यो चन्द्रग्रहण राति ११ः१५ बजे सम्मीलन, ११ः५६ बजे मध्य, १२ः३८ बजे उन्मीलन हुने छ। कूल १ घण्टा २३ मिनेट खग्रास रहने यो ग्रहणको सम्पूर्ण अवधि ३ घण्टा ३० मिनेट रहनेछ।

यो चन्द्रग्रहण नेपाल, भारतसहित एसियाका धेरै देशबाट सुरुदेखि अन्तसम्म अवलोकन गर्न सकिनेछ।

वैज्ञानिकहरुका अनुसार चन्द्रग्रहण पूर्णतया हानिरहित हुने भएकाले यसलाई खुला आँखाले हेर्दा कुनै असर गर्दैन।

आगामी फागुन १९ गते फागु पूर्णिमाका दिन पनि खण्डग्रास चन्द्रग्रहण लाग्ने ज्योतिषशास्त्रीहरुले बताएका छन्।
सूर्यग्रहण औंसी र चन्द्रग्रहण पूर्णिमामा लाग्ने गर्छ।

 
 
 
 
 
 
 

काठमाडौं । नेपाली कांग्रेसका नेता रञ्जित कर्णको अगुवाइमा राजबिराजमा सिटी हल निर्माण हुने भएको छ ।

कर्णको अगुवाइमा निवर्तमान मेयर हेमराज यादव, विद्यालयका प्रधानाध्यापक, स्थानीय समाजसेवी, बुद्धिजीवी तथा राजनीतिक दलका प्रतिनिधिहरूबीच सर्वपक्षिय छलफल भएको छ ।

छलफलले विद्यालय अगाडिको क्षेत्रमा करिब १५० वटा सटर भवन निर्माण गर्ने निर्णय गरेको छ, जसबाट विद्यालयलाई दीर्घकालीन आयस्रोत प्राप्त हुने अपेक्षा गरिएको छ।

साथै, सामुदायिक हल निर्माण गरी स्थानीय र विद्यालयले दुवै प्रयोग गर्न सक्ने व्यवस्था मिलाउने, सार्वजनिक शौचालय निर्माण गर्ने र इलाइबेरी तथा अडियो–भिडियोका लागि आधुनिक हाइटेक सुविधा बनाउने निर्णय पनि गरिएको छ।

रञ्जित कर्णले भनेका छन्, “सिटी हलले स्थानीय समुदायलाई भेटघाट, कार्यक्रम र सामाजिक विकासका लागि प्रयोग हुने मात्र नभई विद्यालयका विद्यार्थीलाई पनि लाभ पुग्नेछ।”

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।