बाढी पिडीतलाई तत्काल राहत दिन चौतफी दवाव, सरकार मौन !

0
379
काठमाडौँ, २० असार । मनसुनको सुरुवातसँगै विभिन्न ठाउँमा आएको बाढी, पहिरो र डुवानले भएको धनजनको क्षतिप्रति दुःख प्रकट गर्दै पीडितलाई तत्काल राहत प्रदान गर्न पूर्वसासंद मञ्च नेपालले सरकारसँग माग गरेको छ ।
मञ्चका कावा अध्यक्ष शङ्करनाथ अधिकारीले मंगलबार जारी गर्नुभएको प्रेस विज्ञप्तिमा मनसुन सुरु भएसँगै वाढी, पहिरो र डुवानका समस्याले सप्तरी, सिन्धुपाल्चोक, कास्की, पर्वत जिल्लामा बाढी पहिरो र डुवानका कारण भएको जनधन क्षतिप्रति गम्भीर दुःख प्रकट गरेको उल्लेख छ ।
मञ्चले पीडितलाई तत्कालै उद्धार र राहत तथा जोखिममा रहेका बस्ती स्थानान्तरण कार्य तत्परतासाथ प्रारम्भ गर्न सरकारसँग आग्रह गर्दै सीमा क्षेत्रमा भारतले निर्माण गरीरहेका अग्ला सडक, बाँध संरचनाका कारण सालवसाली नेपाली भूभाग डुवानमा पर्दै आएकोमा भारत सरकारसँग तत्काल कूटनीतिक पहल गरी यसको दीर्घकालीन समाधानको खोजी गर्न माग गरेको छ ।