नयाँ दिल्ली । भारतीय वायू सेना प्रमुख एपी सिंहले अपरेशन सिन्दूर अन्तर्गत भारतले पाकिस्तानका पाँच लडाकु विमान र एक ठूलो विमान खसालेको बताएका छन् । उनले आइतबार एक कार्यक्रममा कम्तिमा पाँच लडाकु विमान खसालिएको पुष्टि गरे । साथै जमिनबाट करिब ३०० किलोमिटर टाढा हावामा एक अर्काे ठूलो विमान पनि भारतले खसालेको बताए । उनका अनुसार उक्त विमान ELINT विमान वा AWC विमान हुनसक्छ ।

“यो विश्वकै सबैभन्दा लामो दूरीमा भएको सतह–देखि–हवाई आक्रमणको सफल उदाहरण हो, जसबारे हामी खुलेर कुरा गर्न सक्छौं,” भारतीय वायू सेना प्रमुख सिंहले भने । उनले लामो दूरीको क्षेप्यास्त्र प्रणाली प्रयोग गरेर गरिएको यो कारवाहीले भारतीय सेनाको प्राविधिक क्षमता र लक्ष्य साँध्ने दक्षताको स्पष्ट संकेत दिएको बताएका हुन् ।