हवाई सुरक्षा सम्बन्धी अन्तर्राष्ट्रिय सम्मेलन काठमाण्डौंमा,हवाई सेवालई सुरक्षीत र बिश्वसनिय बनाउनु पर्नेमा सरोकारवाला चिन्तीत ।

0
474
काठमाडौँ, ३२ साउन । एयरपोर्ट रेस्क्यु एण्ड फायर फाइटिङ (एआरएफएफ) सम्बन्धी अन्तर्राष्ट्रिय सम्मेलन आजदेखि शुरु भएको छ ।
‘एभिएसन ग्रोथ, च्यालेन्ज एण्ड एआरएफएफ डाएनामिक्स’ भन्ने मूलनाराका एआरएफएफ अमेरिका र नेपाल रेस्क्यु एण्ड फाइटर्स एशोसिएसनद्वारा संयुक्तरूपमा आयोजित सम्मेलनमा सुरक्षित हवाई यातायात सेवाका विषयमा छलफल गरिने छ ।
हवाई यातायात सेवालाई सुरक्षित, नियमित, भरपर्दो, विश्वसनीय र प्रभावकारी रूपमा सञ्चालन गर्न सहयोग पु¥याउने उद्देश्यले आयोजना गरिएको सम्मेलन दुई दिनसम्म सञ्चालन हुने छ ।
सम्मेलनमा नेपाललगायत अमेरिका, स्वीडेन, डेनमार्क, भारत, मलेसिया, साउदी अरेबिया, क्यानाडा र दक्षिण सुडानका विमान चालक, फायर फाइटर, इञ्जिनियर गरी करिब २५० जनाको सहभागिता रहेको छ । सम्मेलनमा हवाई सुरक्षासम्बन्धी विभिन्न प्रर्दशनी कक्ष पनि राखिएको छ ।
सम्मेलनको उद्घाटन गर्दै उपराष्ट्रपति नन्दबहादुर पुनले अग्नि नियन्त्रणमा देखिएका विविध अभावका बीच पनि त्यसबारे राम्रो तयारी गर्न सरकारको ध्यानाकर्षण गराउनुभयो ।