काठमाडौं । नेपाली कांग्रेसले मोरङ–३ बाट प्रतिनिधिसभा सदस्यका लागि डा. सुनिल शर्मालाई उम्मेदवार बनाएको छ ।
कांग्रेसका निवर्तमान सांसदसमेत रहेका शर्मालाई पार्टीले आगामी निर्वाचनका लागि टिकट दिएको हो । यसअघि पनि शर्माले उक्त क्षेत्रबाट भारी मत ल्याएर निर्वाचित भएका थिए ।
फागुन २१ गते हुने प्रतिनिधिसभा निर्वाचनका लागि भोलि उम्मेदवारी दर्ताको कार्यक्रम तय भएको छ । सोही क्रममा शर्माले मोरङ–३ बाट उम्मेदवारी दर्ता गर्ने तयारी गरेका छन् । जसका लागि उनि विराटनगर पुगिसकेका छन् ।
डा. शर्मा कांग्रेस राजनीतिमा प्रभावशाली नेताका रूपमा परिचित छन् । मोरङमा पार्टी संगठन विस्तार र आर्थिक स्रोत परिचालनमा उनको भूमिका महत्वपूर्ण मानिन्छ ।
