इजरायलले इरानविरुद्ध हमला गरेको छ । इरानले हमला गर्न सक्ने भन्दै इजरायलविरुद्धको खतरा हटाउन आफूले पहिला हमला गरेको इजरायली रक्षा मन्त्रालयले जनाएको छ ।
आफ्नो आक्रमणको बदलामा अब निकट भविष्यमा इजरायलमा क्षेप्यास्त्र हमला हुन सक्ने अपेक्षा गरिएको पनि उसले बताएको छ । बिहानै विज्ञप्ति जारी गरी इजरायली रक्षामन्त्री इजरेल क्याट्जले देशमा “विशेष तथा स्थायी सङ्कटकाल“को घोषणा गरिएको जनाएका छन् ।
इजरायलमा मानिसहरूलाई इरानबाट क्षेप्यास्त्र हमला हुन सक्ने भनेर सावधान गराइएको छ । इजरायलभरि हवाई हमलाबारे सावधानी अपनाउन साइरन बजाइएको छ । इरानका सरकारी सञ्चारमाध्यमहरूले राजधानी तेहरानमा कैयन् ठूल्ठूला विस्फोट भएका विवरण दिएका छन् ।
