कार्तिक २० झापा । क्यामेरा पूजा गर्दै झापा जिल्लाबाट चलचित्र ‘अमेरिका बोइज’ को छायांकन प्रारम्भ गरिएको छ
। चलचित्रका कास्ट एन्ड क्रिउ यतिबेला झापामा रहेका छन् ।फिल्मका मेकर प्रकाश भूजेलले सञ्चारखवरलाई दिएको जानकारी अनुसार झापामा करिब १४ दिन सुटिङ गरिने भएको छ । चलचित्रको बाँकी छायांकन काठमाडौंका बिभिन्न स्थानमा गरिने भएको छ । 
साथै निर्माण यूनिटले छायांकन प्रारम्भ गरेसँगै फिल्म सार्वजनिक हुने मिती समेत सार्वजनिक गरेको छ । आउदो नयाँ वर्ष २०७५ सालको बैशाख १४ गते यो चलचित्र रिलिज हुनेछ । चलचित्रमा सुनिल
थापा, अर्पण थापा, सृष्टि कार्की, सन्दीप क्षेत्री र कामेश्वर चौरासियाको शीर्ष भूमिका रहेको छ ।
सृष्टिले यसै फिल्मबाट रजतपट डेब्यु गरेकी हुन् ।अनुप थापा कार्यकारी निर्माता रहेको फिल्मलाई प्रवेश पौडेलले निर्देशन गरिरहेका छन् ।
